بعـــيد ولا جــنح عــندي وامرهم
وصرت خاضع لأمر الله وامرهم
البعد لابــد يــوم يخلص وامرهم
واعاتب كل محب ما ينشد علية
يجرحي شكد اشدنك والافلاك
انة ادري بهيمة ومضيع والافلاك
نجوم الليل خل تشهد والافلاك
انة الميت اليمشي اعلة الوطية
خلص وكت العزف شعزف بياناي
وحزن البيك كون يصب بياناي
اسمع شوف راح اعلنبياناي
اعلن من هنا حربك عليه
عليه سهام هجرانك ترامن
بعد عيني عكب شخصك ترا من
ياهو الغيرك عني ترامن
عاذل لو زماني افتر علية
الحزن من زغر سني لازماني
وعهد ويه المدامع لازم اني
لا ولفي رحمني لازماني
صابر والجروح ازيد بيه
عدل قلبي وابد وياك مازال
وغرامك ساكن الدلال مازال
ذبحتني ودمي بالسكين مازال
ينكط والغرام يزيد بيه
سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه
وحق الي تعبده الناس وحده
حبك سلب مني الروح وحده
هذني اثنين ونته اختار وحده
ترحل لو تضل محبوب اليه