....... مـــــأأاكــلـكـ اأحبــكــ ..... بقلمي

مـا أكَلك أحبك كلش قليلة أعليـك
بس أكَلك فدوة ألك كل عمري وسنيني
.
.
رجعلي وأنطيني روحي ذيجه المتعلكَه بيك
ناذرها واهلية أطشنها بدروبك لمن توافيني
.
.
ولا أكَلك مصيبة أنته وآنه دايـخ بيك
بس أكَلك دم صرت يمشي بكل شراييني
.
.
رجعلي كَلبي ذاك الباقي يتبع أخطـاك
منذور أذبحه تحت جدمك مـن تجينـي
.
,
مثل عيدية أنته وآنه طفل أمتاني العيد
فرحة طفل بالعيدية فرحتي من تلاكَيني
.
.
أسجني دهـر وخليني مؤبد ساكن بيك
أشم صدرك وبعدها بكيفك تعدمني تخليني
.
.
مرجوحة روحي وتتمرجح كل وكتها عليك
بالحسبات والصفنات تاخذنـي وتودينـي
.
.
أذا ما أجيتي قبل الموت هـاج أسمعي وصيتي
مـن أموتن أحفظيها عـدل يا بعد عينـي
.
.
ما أريدن واحد يغسلني ذمة أمشيها أعليج
بدموع عيونج الحلوات يا عمري تغسليني
.
.
وكمطيني بالجفن مثل ما جانت أمي تكمطني
وحبيني بحلكي يا روحي وعلى أذراعج تنوميني
.
.
وأوصيج أمنيتي البقت وياج ماحققتها بدنياي
تخلين راسي على صدرج وبرفـق تحضنيني
.
ووخلي خدج على خدي هايه وصيتي أرجوج.
بعدها نزليني بكبري وبيدج ياعمري أدفنيني
.
.

منقولة
عيون نورة
2012/2/17
لا احلل نقلها ولا بارك الله في سارقها

روعة ما نقلتي لنا يا عيون نورة
رأيت هذه القصيدة في عدة منتديات
وأعتقد هي بقلم أحمد البصري
عموما نورتي حزن العشاق
وعطرتي الاقسام الادبية
بهذه الذائقة الجميلة
تحياتي لكي يامبدعة
هوبي

اخي هوبي
انرت المتصفح بمروركـ العطر وشخصك القيم
لكن كتبت القصيدة بقلمي ونشرت على مواقع الكوكل
ورايتها في عدة منتديات
لهذا كتبت

لا احلل نقلها
لكـ مني كل الود