ايهاب المالكي جنت غلطان ماخذ غيبتك دوم

هذه القصيده من روووائع الشاعر المبدع

ايهاب المالكي


كم تمتعني هذه القصيده لما تحمله من معاناة شابه تحب شاب يريد يبتعد عن حبيبته الي تحبه حد الجنون

وهوه ولا بخاطره كل هل التضحيات

بس بعدين عرف معنى الحب ومعنى البنت الي كانت تحبه من خسرها


وصح من قال


لا ندرك قيمه الشي الى عندما نفقده


اتركم معه تلك الكلمات التي نبحر بين معانيها الى الاحدود

ونفس الوقت اسالكم شنو رائيكم الشخص بهذه القصيده
بعيداا عن المجاملات


اترككم مع (القصيدة)



جنت غلطان ما خذ غيبتك دوم
تحلفلي واجذبك وانهي العتاب

وتجي وتوكف وباب الروح مسدود
وچنت لغير حبك فاتح الباب

ادور فرصة حتة ازاعل وياك
وعلى كل كلمة اسوي حساب وكتاب

وارد زعلان منك ما اعرف ليش
واتركك من اروح ادور اسباب

اعوفك وادري روحك تمشي وياي
واخليك بگفاي دموع وثياب

واگلك محترك بس انة بردان
وتجي اطفيني واشتم بيك عطاب

يلگلبك وياي كتاب مفتوح
لكن وية غيري يصير سرداب

يلمرهمها بس مارهمت وياي
يل ماخذ بطولة بدور الاحباب

كلما باب تفتح حتة اراضيك
تلگاني بغيابك سادلك باب

تتناكث احلامك خوف وياي
مثل رجفت العش گبال حطاب

انا هديت چفك وردة وتطيح
وعلى خدودك الدمعة مهاجرة اسراب

يل منك دريت شلون مرات
اكو بين الدموع ادموع تنهاب

ياخيبة امل فلاح بعدين
درة بوكت الحصاد الذارة تراب

قلب شايل چفن رديتلك هيج
اخذ ثارك لان بيناتنة احساب

ولتسامح بعد لله في الله
ولا تلزم الچف البي الظن خاب

وانا مزعلك بكد ما مفتر الميل
وكت بي چنت تحسب طول الغياب

اهي جانت غلطتي وفرطت بيك
وطن عفتك ورحت الديرة اغراب

اذا رايد تعرف شلون ندمان
شوف دموعي اذا طاريك ينجاب

اذا تذكر وعدتك مرة بالليل
عهد گتلك نظل لموتنا احباب

متت هسة ولكن نفسي موجود
وتتنفسك روحي وية الهوة الهاب

وهسة الدور الية واني اوصيك
اذاجرحك تلايم وانتهة وطاب

تجي تهل ذكريتك عل الگبر كون
لتخليهم ايهلوني تراب

وبعد من ثلج بالك تصنع احلام
لان حلم الصنعتة من الثلج ذاب

واذا حبيت بالك تعرف الناس
المرة الثانية يگولون چذاب

رابط القصيده للااستماع بصوت الشاعر