لبسوك الحلقة !! الله وياك روح ..... الشاعر رفعت الصافي

لبسوك الحلقة !! الله وياك روح
مبري ذمة وداعت الجاب الخبر

لجن بس رد جر اصبعي من السنون
رايد اشبك سيف ما ضايك نحر

ويمر طاري المحكمة وعل قبلة انام

انتة كاطع نفسي لو كاطع مهر ؟؟

واكف ويتعثر بجسمي اليفوت

وانة جنت امن امشي افيي اعلى الشجر

اكبالي باسك وانتة بادلتة الشعور

شفتك بعيني واكولن لا صور

جنت اشيل وياي كلب امي احتياط

ومن يسئلونك تكللهم كبر

طير شايه كسرو جناحي وعليت

مو مسيطر لجن بعدك وين احط

والله ما مقهور جي مني خذاك

المشكلة ابيناتكم ماكو ربط

يل بعتني بوكت محد يشتريك

راسي من رديت مو جدمي اليخط

حتى بالطيف اسمع الشامت يكول

شكد جبيرة اعليك ولفك مرتبط

اشتهيت ابجي منو يدايني عين!!

كون تنباع بثمن جان اشتريت

من اغربل صدري جم عبرة التطيح

وكع لون خدودي منكد ما بجيت

حسرتي تدفعك وصلت لهيجي حال

هاي سهلة المشكلة بيوم المشيت

صافنة بشفتي الجكارة ومن خذاك

وصلت الجمرة لهاتي وما دريت

جي تحبهن جنت اسولف بالقصور

والله جان اكبر طموح املكلي بيت

ويلمفرع جثتك كبال الغريب

يمي شو ساتر على خيالك بنيت

ما خزرتك لحظة يالخازر كفاي

وادري حب من طرف واحد بس رضيت

ويلخنتني بكلشي احلفك بالجروح

موتة سهلة الكالي واعتبرك وفيت

سلمت يداك..وسلم قلبك الطاهر...
روعة ماخطته أناملك...وساميٌ مانثره قلمك هنا...
أتحفتنا برائعة جديدة من روائعك...
كلمات عذبة ..
تستحق كل حرف عليها بعشر...
هيئاً لنا أنت...

صباح الخيراات
صباح الذائقه الجميله
عاشت الايادي
لا تحرمنا من جديدك
فائق تقديري وأحترامي

روعه عاشت الايادي

تسلملي الطله الحلوه

كطله المطر على ورد الربيع

نورتو متصفحي المتواضع شكراً لكم

نورت مرورك

الله الله روعه .... عـشت