بأقلامكم الذهبية مطاردة بالدارمي

‫هدني التعب يفلان والهم أكلني
من غيبتك لليوم محـد فگــدنــي

بالفكَد سهلة وتهون مثل شربة الماي
آني بغيابه الشمات صفت أويه أعداي

من كثر ما اسولف بيك تلوب روحي
ولك شو حبك زاد لي نوحي

غالي بغلات الروح وانت اغلى منها
صدكني لو دكيت ادفع ثمنها

ياحبيبي الهجر صايرلـك طبـع كنت ما تهجرني چا گلبـك شجـا
الوصل رمشة عين واسبوع الگطع شنـو انتـه تشتغـل عالكهربـا

لومتت من فركاك ادفني بيدك
لاتكتب المرحوم اكتب شهيدك

سد الي بنيته اليوم بعد شيهده
بس اني الحزن وليفي والناس معيده

مو كل حچي الينگال تحسبه ضدك
وخله بمحله يكون يا عمري ردك

مادري ليش احس كل شي ما يسوى
حتى الصديق شوف بحالي شسوى

بالدمع غرگانات ظلن يالعيون
الفارگـ الخلان يتبسم اشلون