ظل وياي اريدك والبقن جم يوم

ظل وياي اريدك والبقن چم يوم
وهل چم يوم صارن حدك وحدّي

خليني ارد اشوفك گمت احسك طيف
وياعين التكض الطيف اليعـــــدّي

صرفنه اسنين حبنه وخلصن تبذير
وعلى يوم النشوفك باچر انجــدّي

اخذني وياك اريدك مااريد الغير
وكون ابسدك اگعد واگعد ابسدّي

لتخليني وحدي منين اعرف الناس
لااگدر اعاشر لا خلگ عنـــــدي

احب اشلون غيرك من اود اشلون
وانه وياك كلش خلّصـــت ودي

شيصيرن بعد خل اليصير ايصير
خل كلشي الأليه وينگلب ضــدي

خل اسنيني تغرگ خله عمري يفيض

خل اگبال عيني وينهدم ســـــدي


خايف صح چنت بس چنت اخاف عليك
والمن بعدك انته وخايف اشعندي


مما راق قرأتي
تحياتي

روعة ما راق لك
من ذاقة جميلة
يا اسير حبها
دمت بخير ياراقي
تحياتي

يعطيك العافية


لك جزيل الشكر على هذا الطرح

تقبل مروري

ودمتـــــــــــــــ بخير

اتيت لاقف بين سطورك

اتيت لامتع عيني

بعذب البوح وجميل الكلام

اتيت وقد شدني النور المنبعث

من هنا

مشكور يالغلا ع المرور الجميل
اسعدني حضوركم
تحياتي