مثل المطر دموعي بلياك
غركن دروب المحبه الصبخه
وخضرت ورود الشوك يا هواي
وانته وينك ولا شفتك
ما تكلي بيا وكت بعد تجي؟
ذبحني الشوك وهم الـ بصدري
واواكح بروحي واكولن هسه يجي
حتى الدمع صار انهار يستحي
صار يخجل اذا ينزل على خدي
ضل يرسم دروب القهر وبلواي
ويرتجف بفركاك يا الغالي كلبي
ضاكت الدنيا بعيوني بوسعها
والتمت عليه جروح ما تنتهي
وانته ما هزك دمعي ياهواي
ولا دك باب كلبك الشوك يا حظي
ولا حتى بكلمه تواسيني شنو تستحي؟؟
تدور فراك لو ناوي على موتي
مو سلمتك الكلب والروح يا رجواي
جا ليش بوكت المصايب ما تلتكي
يا خايب شما تضيك الدنيا عليه
لاخلي دموعي تغرك بالحزن دنياي
ولا اكولن الي صاحب بعد ارتجي
---
بقلمــي المتـواضع
بتاريخه ادناه
الثلاثاء
12/7/2011
الساعه
الواحده واربعين دقيقه ظهراً
حسب توقيت العـراق العــظيم