دارمي عراقي 2012 اكثر من بيت دارمي عراقي 2012 شعر شعبي دارمي عراقي 2012

اشعار همس القوافي

دارمي عراقي 2012 اكثر من بيت دارمي عراقي 2012 شعر شعبي دارمي عراقي 2012
دارمي عراقي 2012 اكثر من بيت دارمي عراقي 2012 شعر شعبي دارمي عراقي 2012
دارمي عراقي 2012 اكثر من بيت دارمي عراقي 2012 شعر شعبي دارمي عراقي 2012

----------

بأخر نفس ونكول منصوره بغداد ........ منصوره يم الخير وبلاد الامجاد
********************
للوطن نفدي الروح كلحنه صحنه..........بالوحده والاراء يالتم شملنه
********************
سنه وشيعه أخوان بيت وفرد باب.....وبهمت الطيبيين نقضي عله الارهاب
********************
يالمتصل بالروح مالحضه ناسيك..........أتمنه أشوفك دوم وبروحي أخليك
******************
أتطشر بفركاك وبشوفتك ألتم........لا تضن يوم أنساك وبغيرك أهتم
*********************
الدهر واهل البيت والمهدي من غاب......گلبي الجرحته اليوم من جرحة ما طاب
*************
جاويني ذاك الكال الخوه للضيج............ مرة عليه ايام اتنشف الريــج
**************
صحره وجزاني الغيث منفارگتني ........ گبل الفراگ بيوم چا سممتن
************
والحمزة والعباس واثنعش ايمام ............شيبت وانة زغير من جورالايام
***********
يادنيا مامرتاح حتى بهمومي ............ اسكت واكولن آه لحد هذا يومي
***********
هم شفت واحد راح وي روحة جناز......كل هذا صار وياي بفراك العزاز
***********
ازرعت ورد للطيب وسكيته دمي ....... تالي انكلب عاكول جا شنهو ذنبي
***********
عبالي طيب زات وانطيتك الاعيون ....... تالي توج النار ويـا اليكرهـون
************
ماتصبر ادري بيك تحرك بدمك ........ كلبي الك مفتوح بجفوفي اضمك
*****************
اتأمر اني عليك غصبن عليكم ........ ومن تجي تكول الشوك يدفعني اليكم
****************
من عنده مثلي اخوان لو ميت يجون ..... حدر الكبر مطروح بسبيعزون
**************
الدهر لو وازاك بَحِّر بالعيون ........... تِعرف عدوك زين من اليحبون
***************
باخر نفس مخنوگ واتمنى اشوفك...... وأعذرني بس الموت يجبرني أعوفك
****************
حيل الكم أشتاقيت يل ماتنشدون......ذنب الكلب يشتاق مو ذنب العيون
*****************
سم لاتحط بالماي وبموتي تهتم ……….فاركني بس يومين من كيفي انسم
****************
بالكلب شبت نار طفيها يهواي.........بالوصل تطفه بساع ما تطفه بالماي
*****************
كون التودة الروح ساكن بالجفون ......ويحرسة دمع العين من اليحسدون
*****************
كالولي حضن هواك بيه تغفه وتنام ..... لمن حضنت هواي مانمت نص عام
****************
مو بس مرض وهموم حتى النظر راح . بس ادعي رب الكون كون انتة مرتاح
***************
بهاي اشوفك طيف وبهاي اباريك....... لو تعمه هاي وهاي بالروح اخليك
**************
اليوفي مثل الثوب تصبح رفگته .......... كلما قديم يصير تكثر معزته
*************
حيرني طيب البيك خلاني مديون..........أتمنه أرد الدين ما أعرف اشلون
************
لو عمري أخلصه أباه لا والله منساك....... ولحد مرار الموت فكري انا وياك
*************
ما شفته ما مر بيك دلالي ما جاك........فر مني هذا اليوم كالو تعناك
**************
ليش انه من اشتاك ازحف بديه .............وانت بصلاة الليل تدعي عليه
**************
كل عبره من هلعين تنزل تجاري ......... و تحفر وسط هلروح اسمك يناري
***************
لامن بخت موجود اعوج نصيبي ......... لامن اخو وصدگان لامنحبيبي
***************
ثق واعتقد جنيت من فارگتكم ........ ومن أدخل بصفنات گول اذكرتكم
****************
يكثر ونين الروح من يگبل الليل ……….مل مني سابع جار واتعمد يشيل
**************
أحفر على الوجنات نهر من الدموع ...... ولفرگتك يهواي لحنيها الاظلوع
*************
ترعد قهر واحزان وتمطر مصايب ......... الدنية هيج تصير من انتة غايب
************
عذبني شوگك حيل خبلني كلش ...... گمت الزم الجاكوج وبروحي افلش
************
صار الكلب مجروح من كثر الفراك……وكلما يجيني الليل لعيونك أشتاك
***********
اصفن وسولف بيك كل فكري يمك ..…هم تظن يوم انساك وتبره منك
*********
يالعلمتني اعليك يصعب غيابك………كل العذاب ايهون بس لا عذابك
*************
عالحشر تنشد ليش ماتدري يمته……...الحشر عدنه إيصير من تبعد إنته
***********
لاتهتم على الراح ويهمك الراح ....... والعالي مو بالطول بالصبر ينلاح
**********
تكنس بذار يالدار روحي وتشم بيه ...... بيه ريحه لطيبين الداسوا عليه
***********
لاوحك من ذبوه بالبير اخوته .......... يهواي انه بفركاك متت الف موته
***********
سهران افكر بيك ماشايف النوم………وتخيلت مرسوم وجهك بالنجوم
***********
ينراد اخلي اعيون بعيوني ذني.........حته اگدر ابچي اعليك من تمشي عني
*************
اشكد انه عندي خوان بس انته غالي....صدكني ما أنساك دوم عله بالي
**************
هدني التعب يفلان والهم أكلني..........من غيبتك لليوم محد فگدني
***************
أصفن واعد انجوم وايدي اعله خدي…...هم غربة هم افراگهم ولفي ضدي
*************
للدوم اظل وياك يالطيبك ايفوح..........ولخوتك ماعوف لو تطلع الروح
***************
غيرة وكرم واخلاص كلهن صفاتك......واتعب شوصف بيك يالطيبة ذاتك
***************
صدگني آنه اوياك روح بوسط روح......گبلك أحسب بالآه لو إنته مجروح
**************
تدري شوكت أنساك وبگلبي اتهون….. من تسمع آنه اهناك بالنجف مدفون
***************
كتلك اتفضل فوت كل قصدي للبيت .. شمالك دفعت الباب وبكلبي طبيت
***************
ريت العمر ميزان والقاضي كََََََََََلبك ......يحكم عدل ويشـوف شكد أحبك
***************
طكني الوكت طكات ماعورنّّّّّّّّّّّـي ....... ومن طكني بالدلال سهمك كَََََََََََََََََََََتلني
*************
بية النفس وانساك تصبح خيانة …..انت الجسد والروح يعني انت آنة
***************
حدر الجفن تمثال انحت معانيك .....بلكي من أغمض العين بالطيف الاكَََََََََََََََيك
************************

دائما وأبدا مبدعة
في قسم الشعر الشعبي
الراقية نوسه
روعة ما نقلتي لنا
لا حرمنا أبداعكِ
هوبي

يسلمووو هووبي من ذووقك
مرورك اسعدني 1000 شكر لك

يعطيك العافية


لك جزيل الشكر على هذا الشعر

تقبلي مروري

ودمتـــــــــــــــي بخير

دلبي :icon26:همسس :icon26: الغاليه نورتي
وعطرتي~~:m14: