اقتباس:
المشاركة الأصلية كتبت بواسطة شمس الاصيل شمهروش
هذه الخاطرة/بتاريخ 4/2012
ضحك منها من ضحك
وسبني بسببها من سب
من القذافي شنو نبو ثاني
اي بمعني.مانريد بعد
شكبلها امعيز مع ضاني
اي خلطها.ماعز مع ضان
مد ارجيلاتا فحجهم
مد رجليه.وباعد بينهما
غربه وشرقه وبالوسطاني
مادامت حتي لقيصر
وذا القرنيين وانو شرواني
يا شينك بلطة محطوطة
بقرة وفلططها عمياني
حوسها وخرب ديرتها
ثور احول نقز في سواني
نقز.نط..السواني..المزاع الصغيرة.
لا خلا اخريف لا فطيمة
خروف صغير.الفطيمة.نعجة صغيرة
ترعي من جود الرحماني
نطولا جماعة معروفة
رجبان ومصراتة وزنتاني
ولا ننسي اتريس امعارقها
معارقها...جمع طاقية الراس.للنسب
جادو ونالوت ويفراني
وننثني علي خثموها
شباب طرابلس شكل ثاني
السوق وفشلوم وتاجوراء
ولاننسي شباب الدهماني
اتباع معمر لفوا الدوه
ياسر زهقت عندي راني
زهقت..مليت.راني.ضمير للمتكلم
مانفعتوا معمركم وين
شفتوه وهو عرياني
فقعتوا زي الترفاسة
فقعتوا.خرجتوا من الارض.الترفاسة.الكمأة
ماقعد منكم كان الجباني
وانا علي الفيس حتي اسمي لا يعرفه احد
حتي من اصدقاء الاضافة
خوفا من الاغتيال