السلام عليكم و رحمة الله و بركاته
بالبداية شكراً لطرحك الي تناول موضوع حساس و مهم في الفتره العصيبة الحالية التي يعشيها ابناء العراق خاصة
يا اخوية يعني احنه نخلي الشعارات و الكلام و الخطب الرنانة على صفحة
الى متى نكول الكلام الي يكوله الاخ شوق الغريب مع احترامي لرأيه و وجهة نظره.
ما ضل واحد ميعرف هالكلام بس المشكلة أكبر من هيج شي
الوضع الي نعيشه حالياً يحتاج الى نهضة بمعنى الكلمة و وعي فكري لإعدام كل الافكار الي ترسخت بأبناء هذا البلد منذ عشر سنين
مثل منكول نحتاج انقلاب جديد لتصحيح الافكار الي طغت على النفوس
طبعاً كل هذا ميصير الا بوجود جيل واعي و يستوعب حجم الخطر الي يمر بي و حجم الدمار الي لحق بالبلاد و العباد
بس الحقيقة المرة الي نعيشها أشوف الكل متقبل الانفلات الامني بكل رحابة صدر و محد عنده استعداد بأن يقوم بأي تغيير
بالتأكيد كلامي ما اشمله ع الجميع
ممكن أنو اكعد وية شباب و بنات مثل افكاري و مستوعبين المشكلة بس للأسف مو كادرين يوعون الناس
بسبب تطرف الشخص العراقي بصورة عامة بتفكيره و استحاله انو تغير افكار جيل كامل راضي بالي ديصير بالبلد
أما سالفة الطائفية يعني هاي لتحجي بيها اصلاً فد شي حلم عمرك انو نتخلص منها لأن موضوع كبير أكثر من متتخيله
لأن يحتاج سنين و سنين و محاضارات جديه و تعاملات جديه ايظاً لترسيخ ثقافة التسامح و تقبل كل الطوائف لبعضها
مو مثل هسه دعاة لم الشمل و توحيد الصفوف الي يجي ينطي خطبة لو محاضره و همهم الاكل و الثريد و بطنهم
و تقوية العلاقات مع هذا الطرف و ذاك و يهمهم شلون رح يطلعون بالتلفزيون و ينطون تصريحات نارية
أهم شي هسه عندي السياسين شلون يحجي من يصير ع الهواء مباشرة بالقناة الفلانية او أخرى
و بعدين الكل ديشوف و يتابع الوضع شلون متأزم و كل يومية 50 بيت عراقي ينهجم و ينكلب عزه
بسبب ناس متخاف الله و لا تحترم النفس البشرية
و كل جمعة لازم نشوف انفجار بجامع لو بحسينية ان كان في العامرية او في مدينة الصدر
و كلها شباب و ناس اصحاب عوائل يروحون بيها و مالهم ذنب
و يجيلك المسؤولين يصرحون ماكو شي و العراق بخير
لو يكلك رح نسوي صوله هعهعهه لو مدري شنو و اليقهرك بعد ميصرحون بيوم انو غيروا القيادات الامنية
تصير انفجارات أعنف من الي قبلها و لا يهتمون و يكلولك العراق بخير و الدول الاوربية يتعلمون منه خبره بالمتفجرات ههههههه
و يكلك احنه ملتزمين بالخطه الامنية
و لو تلاحظ قبل جانوا الكل يكولون الاحتلال الامريكي جان هو يسوي الانفجارات اشو طلعت امريكا مظلومه
و طلعوا السياسين و الجماعة كلها علمود متنازعين ع المناصب و يذبحون بالشعب لمدة 10 سنوات
و من يجي البرلمان يسوي اجتماع علمود الوضع الامني نص البرلمان ميحضر و السبب معروف حتى يبقى الوضع تعبان
و الحكومة هي اصلاً تعبانه يجيك ابو البرلمان يتهم رئيس الوزراء بتدهور الوضع الامني
و رئيس الوزراء يطلب من النجيفي انو يستقيل
و بعدين يجيك واحد يصرح احنه نعرف الارهابيين و الي يقتل الناس بس عايفيهم علمود العملية السياسية
يعني بالله هاي العملية السياسية الخايسة أحسن من دم اطفالنا و هالشباب الي راحت بعمر الورود و العوائل الي فقدت من يعينها
يعني يهونون العالم و البشر الي تموت علمود عملية سياسية واضحة المعالم بقذارتها و نزاعهم الواضح على المناصب من كل الاطراف
والله يعني يا ستيفن بداخلي كلام هواية اني اخلص و اموت و كلامي ميخلص هم
و الحل الي انته تطلبه ابدي التغيير بنفسك و حاول تغيير اصدقائك و الناس القريبة منك و كل شخص تكدر تأثر عليه
لأن مستحيل اكو حل لمشكله شعب كامل متقبل الوضعية برحابة صدر و هو الي ينتخب الناس الي تحاول تزرع بينا الطائفية
اني متعجب على هيج شعب يروح ينتخب بدون وعي
و الحكومة مستمر بجميع اطرافها بخداع الشعب
طبعاً اكو مثل عند الغرب يكولك اذا خدعتني مرة فعار عليك و اذا خدعتني مرتين فعار علي
و انت احسب عاد يا صديقي ستيفن كمية العار الي لحقت بينا و احسب كم مرة خدعونا مثنى و ثلاث و رباع ض23
و بس سسسلامتكم
و للعلم اني كلامي موجه لكل سياسي ان كان سني او شيعي او كردي او اي طائفة او قومية و لحد يزايد علية بالوطنية
و اشكرك ع الموضوع الرائع
و تحية من القلب على صياغة الموضوع و فكرته
و لو رح اتعبك بالقراية بس بصراحة فورتني و كمزتني ههههههههه
السندبآد , أنس ... :w:
06-08-2013 ~ 03:51 PM
رد: للتنآفر حل ...؟
العرض العادي
