عمل المجبوس بالصور وبطريقة سهله 2014

اليوم سويت الكم المجبوس وحبيت انزل لكم الطريقه ان شاء الله تعيبكم ،،


نبدأ بسم الله ،، وان شاء الله تكون طريقة العرض مفيده ومفهومه وسهله ،،

المقادير:


بصل وفلفل حار،،

تقريبا نص ديايه ،،

خضار زي ما تحبون ،، انا عندي(فليفله ، وكوسا ، وفاصوليا ، وطماط ، وبطاطا)

بهارات ناعمه ( كركم ، كمون ، كزبره ، وبزار عربي )

بهارات خشنه( لومي يابس، هيل، وقرفه، وورق غار، وشوية كمون )

ألحين عاد بنبدأ بالطريقه وان شاء الله تكون واضحه ،،

الطريقه:

نبهر الدياي شوية كركم وكمون وملح طبعا وشوية ثوم مدقوق ،،

وفي المقلاه نحط شوية كمون خشن وفلفل حار يابس قبل لا نحط الزيت ،
ونحمسه لحد ما تطلع ريحته شوي وعقب نحط الزيت،،

عقب نحط الزيت ونقلي الدياي مثل الصوره ،،

الزيت اللي قلينا فيه الدياي نحطه في الجدر ،،

نحط البصل ونبدا نقليه لحد ما يذبل البصل ،،

لما يذبل البصل نضيف مجموعة الخضراوات بعد ما قطعناهن
قطع متوسطه ونحمسه مع البصل لحد ما تذبل الخضراوات ،،

عقب نحط الطماط والأعشاب الخضره
(شوية بقدونس ، شوية كزبره ، ممكن شوية شبت وممكن ورق الصالونه يعطي ريحه للاكل حلوه)،،،

بعد ما نحط الطماط نحط البهارات الناعمه والخشنه عليه
ونقلبه ونغطي عليه لحد ما يختلط الكل ويصير مزيج جميل
عقب نحط الدياي المقلاي فوقه ونحركه كله مع بعض ،،

عقب نذوب شوية صبار(تمر هندي) في ماي دافي ،،، ونصبه ع الخليط ،،

وهذا شكل الخليط بعد ما صبينا التمر هندي عليه ،،ريحته رووعه ،،

عقب نزيد ماي دافي فوق الخليط كله ,وما ننسى الملح يعني ثلاث قفش صغار وشويه
ونخليه ع النار لحد ما يستوي الدياي وتصير كمية الماي مناسبة اني اطبخ فيها العيش (الأرز) ،،

عقب طبعا أضيف العيش فوقه (الأرز) ،،

اتريا لما يستوي العيش تقريبا مثل ما شايفين بالصورة،،،

آخر شي لما يستوي العيش تقريبا يعني نص استوى
أسكر علي العيش بالقصدير وأقصر على الغاز وأخليه شوية وعقب اسكر ،،

وأخيرا أدري طولت عليكم بالهنى والعافيه ،،

اتمنى تكون الطبخه عجبتكم ،،

تحياتي للجميع ،،،