دعاني الحظ في غفله دعاني
يقول ارتاح في حظني ثواني
واسطر لك مع الاشواق كلمه
على ما تشتهي بحلى المعاني
وغاب الوعي والتفكير عني
غريبه وش بلاه اقبل زماني
وانا اللي طاح حظي ماخدمني
طوال الليل بالهوجاس اعاني
اغرد للشقى بدموع عيني
وسولف للثريا عن حناني
وطالع من سلب عقلي وروحي
تركني وابتعد واختار ثاني
انا اللي كل ما عندي عطيته
وادارة ظهـر ماقصر عطاني
ونا اللي مخلصن بالحب وافي
جزى االاخلاص محبوبي نساني
قضبت الحظ في دمي وروحي
وعزفت احلى نغم للمودماني
لقيت اللي معاه ابني حياتي
بعزة نفس سمته و شتراني
وسطرنا سوى كلمة محبة
على ما نشتهي جتنا امـانـي