مقارنات (بقلم التميمي سلمان) خاص بالمسابقة

لوين المنتهى ووين المطاف

ولوين الوكت يخلص علينا

مو كافي السهر تعبَني العيون

من كد ما أفكر بالحزينة

أمي ... وحياتي ودنيتي

أفكر بس بعراقي ... وأنينه

وأفكر كمت بهواي حاجات

وكمت أشك بالاخلاق البيهن ربينة

التقاليد ... التعاليم ...

الأصول ... الأديان ...

صارن آهات كلبي وأنينة

الاسلام ... السماوات

الكتابات ... وقرآن

أصبح بيد كافرينه

المدارس ... المجالس

التفاكير ... الهواجس

كمنا نشكلها بإدينة

الأطفال ... الأجيال

المصاعب ... الأهوال

بديهم لعبة مثل طينة

الشمعة ... الفانوس

الخيمة ... الأكواخ

جانت كل العدنة ... وربينة

وعمارات ... ومنارات

وقصور ... ومحطات

وضاعت أخلاق اللي بينه

وأم وابنها تدعيلة بالتوفيق

يروح بطريقة ... وبسلامة يجينا

وأب وية أهلة بالقرية

والقرية فرحانة بشواطينة

وأم وبنتها بالطريق

آخذ رقم ؟ ... لا تاخذينه

وأب وية أهلها بالمدينة...

والأهل ملتهية بالمول وعايفينة

ملت روحي من المقارنات

ملت حتى دنيانة من أحنة ملينة

وملينة التطور وية الفساد

وملنا التطور ... جي بي عمينا

إذا هيج التطور صدكوني ما اريد

أريد أرجع بيتي طين ... وأمي الحنينة

وينجمع بالبيت الأخوان

وتحجيلنا أمنا قصة ... وحزينة

وما نبجي لأن عايشين

مو قصة التحجيها ... تحجي الدار بينا

وانام على السوالف مو عالفضائيات

وبالعاشوا عيشة ... حتى الليل تلكاه منومينه

بقلمي الخاص

(التميمي سلمان)

سلمان التميمي
الم اقل لك اشتقنا لحروفك وهنا انت تبدع
من جديد بهذه المقارنة الرائعه بروعتك
لكن ضاعت كل القيم والتقاليد يا زميلي
مع التطور والديمقراطية نقول عسى يوما
نستيقظ ونرى المعجزة ...
سلمت القلم وصاحبه وبالتوفيق في المسابقة
هدوء وعواصف

ليست هناك مقارنات
لكن هناك تناقضات وانت ابدعت في هذه التناقضات
صورت لنا المشاهد كلها بحروفك وكلماتك
ياليت الزمن يرجع بنا ونبقى على عاداتنا وشيمنا وأخلاقنا
ونواكب التطور بدون ان نمحي هذه التقاليد
ابدعت يا اخي سلمان
لك مني كل الموفقية في المسابقة الشعرية
تحياتي لك اخي الغالي
هوبي المحبه

هدوء
شكرا لك على افتقادك لي
لكن هذا الذي كتبته هو خيال يدور بي بين القديم والقيم
والحداثة والتشتت الأسري والضياع الأخلاقي
صدقا هذا التفكير يبكيني من الداخل على ما آل بناا

فأصبحت لا بد من النقد لكي أخرج ما بداخلي من النزاعات

شكرا لك مرة ثانية الغالية هدوووووء
أخوكِ
التميمي سلمان

نعم أخي هوبي
هذه تناقضات فيها مقارنة بين الماضي والحاضر
بين الخير على الفطرة ... والشر بالتخطيط

شكرا لك أخي الغالي هوبي
تحياتي لك
التميمي سلمان