محاورة بين اب وابنة عن الغربة

الولـــد: -
يبويه الحمد لله واحجي ويــّــاك *** صار سنين صوتك ما سمعته
اعذرني يبويه العبرة بالروح *** اون هســّـة اون بس ونتي سكتة
شلونك يلي روحي لروحك تدير *** شلونك بوية عل صبر الصبرتة

الوالــد: -
انا البية المصايب نزلن رداح *** أنحنى ظهري يبويه بدونك انتة
ربـّـيتك جرح من عمري ظنيت *** تعوّضني التعب ذاك التعبته
شضنـّـك افترق ولوحدي ضليت *** القلب ماظن تهوّد يوم ونتة
شحجيلك يبوية شسوه الفراق *** بغيابك جبل من هم حملته

الولـــد: -
بوية ومانسيتك انا والله *** بعدها دموع عينك يمي تذكار
جمر هذا القلب ما ضل صبر بيه *** وانا الخاطر اعيونك احمل النار
مو قصدي الفراق ولانه اهواه *** بس شفت الوكت وياكم اندار
تحملت الغرب بس كون اوافيك *** لجن ندمان بوية على الجرى وصار

الوالــد: -
شفت الغربة بوية وحالك شلون *** الغريب شما تعب ما يلكه راحة
هلك بوية و لون الحزن مر بيــك *** تلكة وجوه مليانه سماحة
انا الردتك يبوية لساعة العوز *** الوكت هسة الوكت طبعة الوكاحة

الليالي للاحبهم صدق شتان
وعلي بالصيف لا يالولد شتان
تعال انتة بغربتك بعد شتان
طحت و الوكت أوجر حيل بية

الولـــد: -
بوية الغربة ذلة وانا ذليت *** بغربتي الوكت دك دكات وياي
الف موتة اموت وانتهي هنا *** ويا بوية شثكلها هموم دنياي
اذكر مشيتك من تدخل البيت *** يهزني الحلم جنك بالصدق جاي
افز اتمرحب واعثر بالاشواق *** أعله خدّي نار تنزل بوية مو ماي
ماظن ألكه مثلك لا ولايصير *** انا بهيبة عقالك ارهب عداي

الوالــد: -
أبجي و ما أريدن دمع بالعين *** خل من قلبي دمّ لفرقتك يجري
توسلت الصبر من شفت قلبي اعتاس *** بس خان الضنون ومانفع صبري
اشتاق الكــه دمعة بكد حنين الروح *** صفة وكتي دمع وك وشلت عمري
ردتك تجوة الي بيوم اليذبني الضيم *** طحت هسة انا بعدك وانكسر ظهري
ويابوية غربتك بسمرت بالروح *** اكل قلبي الفراق وانت ما تدري

الولـــد: -
شمدريني الوكت ما ينصف وياي *** لو ادري اعتقد ما فارقتكم
اشتريت الغربة بس صدقوني يحباب *** بعت الدنيا كلها وما بعتكم
هلي شجم ذكرة ضلت يمكم هناك *** وجم صورة ألي بالحيطان عدكم

بوية شلونكم والله انا مشتاق *** اتمنى انا يمكم هسة غافي
رصيف الغربة متعب نومتة شلون *** اذا مو ام تنومك بالعوافي
ياذلة غربتي وذلة الروح *** على جمر القهر كمت آنه امشي حافي
اذكر كعدتي وكومتي وياك *** يبو قلب الجبير العمره صافي

الوالـــد: -
ها بوية شفت نار المسافات *** وشفت الغربة هسة وحالك شلون
يبني الغربة تحفر حفر سكـّــين *** ويحتاج الغريب لدمعتة عيون
تعال وشوف بيتك والحياطين *** على كل ذكرة منك شو يونوون
اخوتك لو خواتك من يشوفون *** لمـّــه أصحابك و كلهم يضحكون
يصير البيت دمعة ويشتعل نار *** وكبل لا تبجي امك همـّــه يبجون
بعد لسة غرفتك بيها الاشواق *** وبعد كل ذكرياتك لسة بيها
من نشتاق الك وتهزنا الهموم *** نجي وبدموعنا نعاين عليها


الولـــد: -
وانا لوحدي وصوركم كلها وياي *** صارتلي صبر كل التصاوير
افرشهن كبالي من يجي الليل *** واحس العين هيــّــه بلا وعي ادير
هاي امي وابوي وكل الاحباب *** يكون الروح طير ويمكم ايطير



يارب يرجع كل غريب لاهله

منقول

امين
ولا يحرم حد من احباءه واهله
دمتى يا غاليه
اعجبنى منقولك
وردى:eh_s(17):

الولـــد: -
بوية الغربة ذلة وانا ذليت *** بغربتي الوكت دك دكات وياي
الف موتة اموت وانتهي هنا *** ويا بوية شثكلها هموم دنياي
اذكر مشيتك من تدخل البيت *** يهزني الحلم جنك بالصدق جاي
افز اتمرحب واعثر بالاشواق *** أعله خدّي نار تنزل بوية مو ماي
ماظن ألكه مثلك لا ولايصير *** انا بهيبة عقالك ارهب عداي

موضوع جميل جدا صراحة ادمعت عيناي والله انة ما اتحمل القربة القربة صعبة اللهم رد كل مقترب الى دياره
مشكورة على هذه الأبيات الحلوة
تقبلي مروري كاسبر
ملكة المنتدى

وااااااااااااو روعه تسلم ايدك
:001:

الوالــد: -
انا البية المصايب نزلن رداح *** أنحنى ظهري يبويه بدونك انتة
ربـّـيتك جرح من عمري ظنيت *** تعوّضني التعب ذاك التعبته
شضنـّـك افترق ولوحدي ضليت *** القلب ماظن تهوّد يوم ونتة
شحجيلك يبوية شسوه الفراق *** بغيابك جبل من هم حملته

الله عليج منقول جدا حلو وجميل
احس قلبي انقبض من الحزن والاه
يلرب ترجع كل المفارك اهلة وناسة
واعزاز كلبة يارب
تقبلي مروري
تحياتي
king iys

هلا والله حبايبي
نورتو متصفحي بمروركم الاكثر من رائع
تحياتي الكم:eh_s(17):

دمتي مبدعة تقبلي مروري البسيط

اهلييين ابن الرافدين منور

تسلميلي ملوكتي:m5:

وربي قصيده تبجي ض200:m5:

آمين ياربي أن شاء الله الكول يرجع :m5:

دمتي مبدعه غاليتي :m5:

حياتي قبل تحياتي :m5:

ملكه
متصفحك رائع دمتِ مبدعه
لكِ حبي واعجابي.....
ودي هدوء وعواصف