((ابــــــــــــد مـــــا ينــفع عـــذر)))

هواي غلطان بحسابك من حچــيت
ولكلامك لاتظن ينفع عـــــــــــــذر
طبعي ماگلك عدل بس مالـــــويت
والغلط مايوم من عندي بــــــــــدر
بالحزن والنوح من زغري ربـــــيت
ومايهمني انچان ينقص لوكثــــــر
وآنه موزعلان حته مارضـــــــــيت
وماگلت لازم يجيني ويعتـــــــــذر
فرق بين الي ينام وعنده بـــــــيت
وآحد يحوم يتحسر عالشبــــــــــر
وأنچان ماعندي بخت انته بخـــــيت
وإنچان عني تبخل بضلك رضــــيت
أنته مو أول شخص بيه أنغـــــدر
بس تعلم لاتدگـ عالماگـــــــــــويت
واليجوع هواي يتحده الصخــــــــر
وآنه ما أذكر اجيتك وأعتنـــــــيت
وما أظن دگـيت بابك بالفجـــــــــر
قانع بكلشي يجيني وأكتفـــــــيت
والمهم متحلي بهدوم الصبــــــــــر
ماأعرف ادفر نعمة الله التبــــــــيت
ولغير ربي ماتعلمت انكســـــــــــر
وماشكيت لغير ربي ومارجــــــيت
الجبل ماهاب ضربات الحجـــــــــــــر
أجمع انته أموال وانه اجمع الصيت
صيت حاتم موغنه بطيبه انذكـــــــر
هواي غلطان بحسابك من نــــويت
تزيد همي وتلچـم جروحي بقهــــر
هدمت صرح الوفه لا مابنـــــــــــيت
يلي لبك ذيب بس شكلك بشـــــــر
صح جروحي هواي لكن ماشكــيت
الجذر مايوم دنك للنهــــــــــــــــــر
يالشفت روحك گمر لمن ضــــويت
بدون شمسي ماصرت انته گمـــــر
فوگـ چتفي صاعد ولتظن علــــيت
بس اهدك تندفن بين الحفــــــــــر
هاك المرايا أظنك ماعمـــــــــــــيت
شوف وجهك بيه چم صورة غــــدر
وحده خنجر بس حدر ضلعي غفـيت
وحده رمح ونابت بوسط الظهــــــر
وحده سهمك بالگلب من صوبـــــيت
وأخره سيفك گطع حشاي وبتـــــر
عندي كلهة تهون بجروحي رضـــيت
وجيب بعد أنوب من مرك أمـــــــــر
ملح بجروحي لون تعطش سكـــيت
ولوطفت ناري أزيدلهة جمــــــــــــر
بس كلامك زاد آهاتي ودعــــــــيت
ربي رجعلي من أيامي شهـــــــــــر
حته أشوفه شلون كل عمري وفيت
وجان يتشفه لون جدمي عثــــــــــر
آنه مصلحتي أعوفك وانتهـــــــــيت
بس خساره وياك گضيت العمـــــــر
وشگــد شفت منك مرار ومابچــــيت
لأن دمعي ما أبيعه بأي سعـــــــــــر
هواي غلطان بحسابك من حچـــــيت
ولكلامك لاتــــظن ينفع عــــــــــــــــذر


منقول

وااااااااااااو روعه ما نقلتي لناا احسنت الاختيار
ورده دووم التالق :smile35::smile35:

بنت العراق

ثقي باالله
كل مااباوع على عساها ابخت كلبي الماعرف يختار

اكول شكدانتي ذواقه

ويسلم اختيارك على هاي اصلا اجنن

تقبلي وجودي

بنت
رائع ما اخترتي
سلمت اناملك حبي اتمنى لكِ
التوفيق دمتِ بخير
هدوء وعواصف