اريد اكتب شعر واكلك وين بي اسمك وانت شوف حالي من اكتبلك

اريد اكتب شعر واكلك وين بي اسمك
لان اسمك جميل وجاي من رسمك
اذا مو الك اكتب المن لعد اختــــار
صدكنـي الكلب مشتــــاك يكتبلــك
احتــــار القلــم لمن جبت طاريــك
يكولي الورق يخجل لو كتب اسمـك
صفن بيدي القلم وصرت اني احاجيه
ويكولي بصراحة شــراح اكتبلـــك ؟
ما الوم القلم وكم قلم بيك احتـــار
راح ابدي بجمال الــروح اوصفلك
ضحكاتك غزل يا كامل الاوصاف
واشفافك عسل والورد من عطرك
عيونك شمس والخرزة من المـاز
وخدودك كمـر يا ساحر بحسنــك
ثغرك من يبتسم كل البشر يحتار
لان شفتك ورد والورد من شفتك
شعرك من خيوط الشمس مغزول
ورموشك قَـزح يا شاعر بهمسك
شخصك من يمر الروح مني تروح
لان شافت كمـــر عــالكــاع يتملــك
وعيوني من تشوفك تبقى تحلم بيك
تحجيلك شعــر والرمش يعزفلـــك
مو كافي وصف يل بيك حلو أطباع
بس شوصف بعد لو رايد اوصفلك
فداك العمر وحتى الكلب و الروح