اسئله سخيفه واجوبه اسخف

بسم الله الرحمن الرحيم

اليوم جتي ببالي أسئلة نتعرض إلها بشكل مستمر
يسألونه أهلنة.. أصدقائنا.. جيراننا.. وما ننتبه أنها أسئلة غريبة جداً وغير منطقية جداً.
إليكم بعضاً من هذه الأسئلة، مع أجوبة (تحشيشية) لها
إن شاء الله تعجبكم
* * * * * * * * * * * * * * * * * * * * * * * * * * * * *

إنت نايم على القريولة مالتك، ومطفّي الضوة، ومتغطي بالبطانية، يجي واحد من أهلك ويفتح باب غرفتك ويگلك: 'ها خليل!! شنو نايم ؟؟'
لا والله دا ارگص وأغنّي.. بس إنت دتتخيل آني نايم

معزومين يم جماعة، ووصلتوا.. دگيتوا الباب.. يفتحلكم واحد من أهل البيت وراسا يگوللكم: 'ها..جيتوا ؟؟'
لا والله بعدنه على الطريق.. بعد نص ساعة نوصل لطويريج.. إشوية إزدحام

لابس هدومك الحلوة، ومتعطّر، والجل على شعرك يخبّل، وبيدك ميدالية مال مفاتيح السيارة (إذا عندك سيارة)... تجي أمّك وإتكول: 'ها إبني.. طالع ؟؟'
لا والله يُوم.. دا أطلع للسطح.. وأعدّل الدش مال الستلايت.. بلكي يطلّعلي قناة عرعر.

لازم الكتاب لو الملزمة، وگاعد دتقرة لأن باجر عندك إمتحان، وناثر الكتب حواليك والأوراق مطشّرة بكل مكان.. يطب أبوك ويگلك: 'ها إبني.. دتقره ؟؟'
لا والله يابة.. دا أبدّل الدهن مال السيارة ودا أصلّح الكابريتر.

توّك لازم السماعة مال التلفون واتريد إتخابر صديقك (لو صديقتك)، وبديت إدّك بالأرقام.. تجي أختك وتسألك: ' شنو دتخابر'
لا والله.. دا أسوي زلاطة.. بس السچينة عمية ومدتنگص الطماطة وياية

واحد يأشّر لتكسي.. التكسي يوكفله.. يگلّه للسايق: 'فارغ ؟؟'
لا والله عندي أربع خطوط مال مدارس لازم أجيبها، وأريد اروح أتسوّك قبلها، واشتري لحم، وأشتري ركيّة، وأدفع قائمة الكهرباء.

راكب نفرات بكيّا.. إطلِّع (ربع دينار) وتنطيها للكدامك.. الكدامك يسألك: 'واحد عيوني ؟؟'
لا عيوني.. 20 واحد ورجعلي الباقي

إتريد تنزل من الكيّا.. تگولّه للسايق.. نازل بلية زحمة.. السايق يسألك: 'شنو.. إتريد تنزل ؟؟'
لا والله .. دا أجرب حسّي... أشوفه حلو لو محلو من أحچي

هههههههههههههههه روعه مشاعررررررررررررررررر

يعطيك الف عاف يه
عاشت ايدك

هههههههههههههههههه
حلوووه عاشت يمناك