انا اول من كبر في عين قلبك وإبتدا بالميل

طريق وزحمة وجيه وملامح ترفض التبديل
وملعب ذكريات وبيت بابه / ريحة أجدادي

وانا ماكنت فيني كنت فحدود الغياب آسيل
قبل لاجف ، ماتت سُنبله وإستآحش الوادي

بسيط البس من أفوآه المآذن خشيه وترتيل
معي منذ الطفولة دعوة أمي وأكثر عنادي

تنامى داخلي عشق الروابي والشجر والخيل
وهبات النسيم اللي تغازل ريحة / الكادي !!

تمنيت المسا يفرش ظلامه وأرتقي لسهيل ،
واسولف للقمر .. عن حلم تاه فغيبة رقادي

كثر ماخاوت إعيون السهارى نجمتين وليل
شعلّت الهم ونامت في جفوني طفلة سهادي

من اول ماتبعت آثار جدبي لإرتشاف النيل !
لقيت أكثر من أكثر شي فيني صوبك ينآدي

تسابق لك حنيني معْ حنيني وانهدم بي حيل
وهاجر عن سما عشقي حمام وجف ميرادي

زمان اليا تثاوب من مسافة لهفتي / قنديل ،
تطيب الدندنه ل إذن السما مع ليلي الهادي

أجيك مرتب ضلوع الحنايا لك / خذ الإكليل !
واعود وكل مافيني تبعثر ..... قبل ميعادي

تذكّر صُبحنا : حب الغدير لطيحة النرجيل !
حوارينا القديمه / مدرستنا / طيرنا الشادي

تذكّر قمّحنا : لامن سمع صوت النجر والهيل
تمايل مبتسم وأغرى هديل طيوره : زنادي

جفل بك هالزمن وشيوخ صدري ملها التهليل
وجيت آدورك كلي " بَلا " ياآخر " بلا دي "

انا اول من كبر في عين قلبك وإبتدا بالميل
وانا اكبر من طعنته بالغياب وقال لك عادي

تعال وشوفني شارع بدونك ممتلي بالويل !
رصيفي مظلم وشمعة وصالك عافت أعيادي

تضيق بجسمي كتوف اللقا وأستنزف التفصيل
وآشيب وتصبح جروح الليالي حسبة اولادي

انا جيتك ودمعي حيرتي وسنيني المنديل !
بعد ماضعت فيني بسألك : ياكيف إيجادي ؟

صح لسانك

الله يعطيك العافيه
تحياتي وتقديري

تسلم الأيادي على الطرح الرآئع ’
تحية عطرة لِـ روحك النقية
شكراً لك من القلب على هذآ العطاء
لك أشهى الود و أجزلْ الشكرْ