لا تعيب عا لشكل

أني ادري بروحي اسود موحلو @
وانته ابيض والحسن بيك اكتمل @
أني صح اسود ولكني بلال @
وانته صح ابيض لكنك هبل @
الساني كلش تعب منك شكد ماسأل @
منك ردت بس حرف ماردت كل الجمل @
يل أبيض اريد أسألك .. أنه هم جي اسود تعوفني ؟ شلك شغل بالشكل @
الدبس اسود فحم ومنه انطيلك مثل @
هذا انا مثل الدبس والدبس من يانسب ...
الدبس من التمر والتمر من النخل @
ادريك ماتمتثل بس راح اضرب مثل @
عنترة اسود ترى بس كلب عبلة اشتعل @
اشتعل اصبح فحم يعني السواد اكتمل @
هي فحم بالكلب وهو فحم بالشكل @
بيني وبينك بعد .. بعد الارض عن زحل @
يبن العجب شعجب ؟ فهمني وين الخلل @
العجل لهجة وفة .. جا ليش بيه تخل @
خليتني بحسرتي وتركتني بالعجل @
كل حاله حل لها بس حالتي ما تحل @
يانحل ما اعتقد انته من اصل النحل @
زبنور في داخلك نحلة انته بس بالشكل @
منك شفت بس كرصة وما شفت قطرة عسل @