يامن قـهـــرت الصعب قبل تْحادثه
ياغـازي الـبـحر العميق وحارثـه
يامـن رفـع راس الـعـروبه للسماء
سميـتها الأولـــى مسحت الـثالـثـه
ألجمت أفـواه ٍ هـوت لحــن الجُمود
وأدمـيت أصحاب العهود الـناكثه
وأقسمت تتحــدّى وتبـقى الـمـبتـدى
وتـفُــك هـامـة كُل عُـقـده نـافـثـــه
صارعت صفرا اللون لين إستسلمت
وابهـرت كُل الكُـون باروع حادثـه
بخيول تهوى الفوز باشواق وميول
تـشبـه صـواريـخ الـدمـار الـنـافـثه
لامنـهـا خـاضـت سبـاق تعاهـدك
ولعهدهـا يـا شـيــخ مـاهـي حانـثـه
تـكـِّر وتعـكِّـر مـزاج خْصـومهـا
فـي نـصـرهـا تفـكِّر وعـنّـه بـاحـثـه
تدري بأن الـفــوز منك ومـبــدأك
حـرّمـت تـوصلّه أيــادي عـــابـثــه
لأنك جمعت أوصاف تبهر من وصف
مــن شي بك فـطـره وشيٍ وارثــه
من طيبة الصديق من هيبة عُـمـر
من حزم خـالـد من هُدوء الحـارثـه
لك من رُبى صنعاء تحيَّه للأبــد
تــوصـــل وتبقى في جوارك ماكثه