كمر عالكاع للشاعر ثامر المالكي

على اشفافك تحط كل الفراشات
وعلى صوتك غفت اهدء مسيقى
وعلى اخدودك اشوفن كل الاورود
وعلى الوجنه انضجت اجمل حديقه
حقيقه انت كَمر..يمشي اعلى هالكَاع
وعلـــم الفلك اكـــد هالحقيقه
ومن شاف الكَمر بعض الضوه البيك...
تركلك هالسمه وما ظل دقيقه
يابدر.. ويضوي.. ويكتل الليل
وحتى الليل من عندك فلا مل
ما اجامل ابد لو وصفت بيك
ومن طبعي فلا اعرف اجامل
ومو بس آنه اوصفك جيفن اهواك
الوصف هو اليوصفك بالتكامل
انه محتار .. خايف بيش اسميك
لأن حسنك جمع كل البلايه
يباوع بالمرايه البشر ندريه...
بس وجهك تباوعله المرايه
ما اريدن هدايه ابكل الاعياد...
لأن جيتك اليه احلى الهدايه

جميل ما نقلتيه
لنا من شاعر مبدع
وانتي ابدعتي في اختيارك
تحياتي لكي وردة
هوبي