أميرتي في الخيال ... بقلمي ...

بسم الله الرحمن الرحيم










السلام عليكم ورحمة الله وبركاته ...


كيف الحال أن شاء الله تكونون بخير كتبت قصيدة بقلمي وبالشعر الشعبي وأسميتها أميرتي في الخيال وأتمنى أن تنال أعجابكم ...







أميرتي في الخيال








حبيبي لا تظن أنساك أني بيوم
لأن قلبي شلعته وبيدك أنطيته

ويالحبك دوه ويشافي كل مجروح
وجرح قلبي أنا أنته إلي شافيته

ويالوجهك كمر سبحان من سواك
وتره حتى الكمر أنته إلي حليته

ويالإيدك حرير وبالحرير تروف
ولك حتى الحرير بلمسك رويته

ويالشعرك خيوط من الذهب مصيوغ
سبحانك يربي شلون سويته

ويالشفتك شهد والطعم حرتن بيه
مو شفت بشر ليكول جكليته

ويالخصرك خصر موزايه من تمشين
وحرت أني أقيسه شلون بالفيته

ويالطولك يبعد الروح شنو هالطول
طولك من جماله النخل هد بيته

ويالعطرك ورد وأزهار من يفوح
وعطر عطرك أنا بقلبي خليته







وصفتك أني بس الوصف حارن بيك
لأن كل يشوفك يكول حورية

وأنتي لا تدخلي بيوم للبستان
تره وجهج عبالك وردة جورية

وأتيهن أنه ياهو الورد ياهو أنتي
تشبهين الورد ميه أنتي بالميه

دموعج من مطر نسماته حلوة تصير
وترهم للزلاطة تصير نوميه









وصفت أنه الجسم يبقى جمال الروح
وجمال الروح منج ياخذ دروسه

وأمنيتي وحيدة وأرحميني بهاي
طعم شفتج أضوكه يصير كم بوسه

وبوسيني يعمري وشوفي شنهو يصير
هتافات وقصايد وأهتف بهوسه

مو شفه عبالك بست أني اليوم
عصير من العسل وياه بسبوسه









خلص كل الكلام بوصفج أنتي اليوم
وخلص كل الحبر وأخلصت أقلامي

وحروف اللغة خلصت ما بقت أحروف
وصرتي أنتي حروفي وإنتي أرقامي

وصرت مخرج ومنتج من وراج اليوم
وصرتي أنتي تره عنوان أفلامي

صرت أني أطيحن ما أشوفن زين
اذا رسمج بعيني دوم كدامي

أعذروني يعالم ما بقى تركيز
ولك حتى من أنام متفارك أحلامي

أسألك يا رحيم تجعلها نصيبي بيوم
لأن صارت حياتي وعمري وأيامي


لأن صارت حياتي وعمري وأيامي















كتبت في يوم الأربعاء في شهر رمضان المبارك
الساعة الــ 9 صباحاً
10 / 8 / 2011





أمير الغرباء













تحياتي...