بتعرفوا المثل الي بحكي:علی نفسها جنت براقش؟؟...
هاي انا ....براقش نسخة ال2016...آخر إصدار. ..طول لساني جاب اخرتي
😁
...
طول نهاري ساطلة جوزي واضحك عليه..لو تشوف حالك وانتي نايم...لو تسمع شخاويرك...لو تشوف خشمك كيف بعمل وانتي مستغرق بالنوم
😁
😁
...وهو يحكيلي:طيب لعاد كيف لو تشوفي حالك وانتي نايمة يا مسكينة؟؟...
_انااا؟؟..ولك انا الملاك الأبيض. ....بتخيل حالي وانا نايمة مثل الاطفال...شفايفي عاملات بوز خفيف..البراءة بتشع من خدودي وعيوني مسبلين تسبيل😇😇..باختصار انا كثييير (كيوووت)...
😁
ظليت ماخذ بحالي مقلب لحد ما صحيت بنص الليل علی ضو بيضوي بوجهي..فكرته برق مع أنه فش مطر
😁
وكملت نومتي...
ثاني يوم والا جوزي جاي بفرجيني صورة.....بسم الله الرحمن الرحيم
😱
. .كنك يا جوزي صاير مشعوذ؟؟ كيف قدرت تصور هاظ الجني؟؟..
وإلا هو بحكيلي:دققي مليح هاظ مش جن..هاظ انتي وانتي نايمة؟؟....مبارح طقيتك صورة وانتي نايمة
😵
انا كل الي شفته..ثم مفتوح علی مصراعيه..بيوسع جاجة بريشها....فتحة خشوم وسع الفنجان...عيون منفخين مثل عيون واحد ضاربله إبرتين هيروين مع أصبع حشيش....مع شوية ريالة بطرف الثم
😂
.وشعر مثل كشة الغولة.......وادركت انه هاي انا... من المخدة الي بالصورة..نفس مخدتي
😂
😂
..يعني اكيد هاي انا فش مجال....ساعيتها صحيت من الصدمة وضحكت هاي الضحكة الي فيها انهزام مع قهر..وقلتله:ييييي عاد هو الواحد بشوف حاله وهو نايم؟؟ مهو يبقى نص ميت
😁
رد علي:ااااه انتي نص ميت..أما أنا علی دوري خليتيني من الأموات الاحياء
😁
_هو انتي صدقت حبيبي..اصلا انتي من ألطف المخلوقات علی وجه الأرض. .يسعدلي سيمفونياتك وانت نايم..علی قلبي أحلى من بيتهوفن ومعزوفاته
😁
ومن يومها وانا مستحيل انام قبله..وبلفلف حالي بالحرام مثل حبة الدوالي
😁
اموووت خنقا ..ولا اموت رعبا
😂
😂
وهكذا تبدد حلم الفتاة الكيوووت وظهرت جنية الأحلام
راقت لي
امل