الجرح

عن اخر جرح من شفته ماهميت
لان يشبه اخوته بالشكل نصاً

نزف منه شعر كاتبلي عن الشوك
استفزني بكل برود وجاوبت شكراً

ولان هو جرح ماشفته حته شبيه
من كد الجروح بجسمي منتشره

جرح من الربع ذبوله كومه جروح
حته القله بيه تناصر الكثره

وجرح حظي المارهم بيه خياط
اجه خياط حزني وخيطه بشفره

وجرح من الوكت بس هنه جرحين
ماطابن جذب واللغز بالعبره

اذا طاب الاول الثاني وحده يصيح
وعله صيحه اخوه شك زيجه عالفطره

وحيرني جرح بس الاثر ظل بيه
هاجر مني سكته وماطلع سره

اجت بالبال فكره سببتلي جروح
طلع ناصب كمين ووكع الفكره







مما راق لي

همس الربيع ,,,
سلمت الانامل الي نقلتها
ذوق رائع في أختياركِ
لكي مني أجمل تحياتي
هوبي