كتله اريد اشوفك
كتله ارد اشوفك وأملي العين منك
صدني وكال محرم عليك حتى الشوف
أخافن عليك من وسع العيون تذبحك
أخافن يفز كلبك وتفضح حبنا عالمكشوف
وخوفي لا يعجبك تفاح صدري وتريد تضوك
وابقى انه بحسرتي وانته كلبك يسوف
ويمكن طول الشعر جوه الخصر يغريك
وتكعد كبالي تصيح يا سواد الليل اوف
ويمكن يجي أبالك تضمني لحضنك بيديك
وانه اريدن بعد بس كاتلني الخوف
ولو تضوك الشفايف تذوب ادري بيك
لان طعمهن عسل والشفايف بيهن معروف
واذا لفيت ايدك عالخصر ناري تجويك
دشوف شلون اخافن عليك يا حبيبي خوف
انه الي حبيتك وجيت لدربك اجيك
امشي على خطواتك بس لا تكلي اووف
غصب عني كلبي كبل الجسد يجيبك
تدري الليالي طوال وكلبي عليك ملهوف
راضيه بكل العيوب الي عرفتهن بيك
بس يا بعد الروح لا تذبحني بالحروف
لا تفرح شامت بيه ولا تغير محاجيك
انه ادري بيك اصيل واصلك معروف