الى من بقيت ماضي كي تبقى
الى من خلدها تاريخ الغدر والخيانة
اقول على لساني
مو تطعني لو تذبحني ما اكول وغلات سنيني المحسبيهن ارخاص
تعلم ضهري منك صار ذواق كام يريد طعناتك طلب خاص .
اكعد انريد انتسولف خلي احجيلك عليك وانت هم تجيلي عني واريد اقلب البوم فكرك صفحة صفحة
وصورة صورة حتى اشوف شباقي مني
واريد اشوفك شيبت لو صار لون الشعر بني
واريد اشوف تشوف لو تجذب عليه يلكت ايام هجرانك عمني
بس اخاف بغيري لاهي واني كاتلني القهر والشوك اكلني
وادري كلبك قاسي ما يملك محنة شالني وبحلك شماته دفني
واني ما خليت للصفنة استراحة
انطر طيوفك على اعصاب التأني
ومن عفتني ابجي مثل الميت ابنها ومن تلاكيني شحلاتي اركص واغني
صار ست سنين ما ضاحك يغالي كدرن ضحكاتي اكلك فوك سني
لو اكلك ما ضكت طعم السعادة وعلى اوتار الحزن معزوف فني
اني شلت هموم ما تحملها دنيا وعفت كل جروح ذيج وجيت بفراحك اغني
وانته كل يوم تمنه يطول هجري يطول بعدي
بس امانه اذكرنه مره بالتمني .
بقلمي زيد العراقي ..