الموضوع: ديوان أحمد البصري
عرض مشاركة واحدة
أحمد البصري
قديم 11-18-2011 ~ 12:21 PM
افتراضي رد: ديوان أحمد البصري
  ãÔÇÑßÉ ÑÞã 27
 
الصورة الرمزية أحمد البصري
 
تاريخ التسجيل : May 2011
ÚÏÏ ãÔÇÑßÇÊí : 661
معدل تقييم المستوى : 13
أحمد البصري is on a distinguished road


حرز حبيبي



علكَتك على صدري

حرز للموت

أعوذن بيك

لو راد الضيم يدناني

لأن أنته الفرحة

والضحكة اللي بشفافي

ماتت وندفنت

وياك كل أحزاني

ياصوغة دنيتي

ألما أملها بيوم

يا أسمي وكياني

يالصرت عنواني

مسودن وتسودنت بحبك

لاتتعجب من أموتن

لوفكرت فد يوم تنساني

طركاعة ومصيبة

الجمال البيك

والعسل اللي بشفافك

ختم رباني

وعيونك بحر

كلش غميج ماينفاج

وخدودك ورد

لو تفاح لبناني

وبصدرك شهد أصلي

ما مغشوش

وعجبة الشهد

لو صار رماني

أحبسني حبيبي عمر

بين النهدين

شكبر بختي

لوصارن سجني وسجاني

نومني على أيدك

وأحسبها دين

ولوردت دينك

أكطعلك ذرعاني

أحبك كلش قديمة

صارت ما تنكَال

يالحبك برعم أمل

ويكبر بوجداني

كبر حبك

وصار بكد كبر الكون

وصرت أمير بدنيتي

وبالعشك سلطاني

أحبك ومستحيل الكَلب

فد يوم ينساك

ولو نسيت أكيد

تحت التراب نايم بأجفاني




2/6/2011
  رد مع اقتباس