طفلة
طفلة أنتي
براحتج أحجي
بكل صوتج أصرخي
أبد منج ولا أغضب
الطفل شما زاد بدلاله
من كل الكلب ينحب
خلي وراج كل الناس
أعبثي بكلبي
دوسي على صدري
منج فلا أتعب
راح أبقى مثل ماراد الهوى
كلبي جبير
وألج ملعب
أكسري خاطري
ولا تفكرين بجبره
أعتبره عطف جديد
منج وألج ينسب
أدري الطفل من يمل
يكسر اللعبة
وتالي يبجي عليها
بواجي المذنب
أدللي
مايلوك الدلال
بس عليج
أعبثي بروحي
مخليها فدوة بين أديج
أنتي طفلتي الحلوة المدللة
أنتي أميرتي السائدة المبجلة
أنتي الضحكة بشفافي
وأنتي البسمة بعيوني
وأنتي الحل ياعمري والمشكلة
25/4/2011