السهر والهم
السهر والهم وحروف القصايد
هنه الوسيلة
لو سرح بيك الخيال
ومن أضحك شو تزيد الدموع
ولو نسيت
ينادي الكلب يَحبَيب تعال
وإذا نمت أنام فوك الجروح
ومن أكعد
أشوف الشوفة صارت محال
الدروب كلش بعيدة
وتاهت الخطوة
والمشاعر كاتلها ذاك السؤال
هم صحيح اللي راح يرجع بعد
وهم يرجع
ذاك الحب والوصال
ولو صحيح الحب
بي سادة وعبيد
أنته سيدي
وكل عمامي والخوال
أنته ألي
أقرب من حبل الوريد
هاك كل حياتي
ألك فدوة حلال
السهر والهم وحروف القصايد
خليهم للي
عشك وهم وخيال
8/5/2011