(أنتي حلوة)
,
منـو كَلج أنتـي كَمرة بليلـة ظلمـة
لا ولا أنتـي ليـل ونجــوم وكمـر
.
لا أشـو ولا أنتـي شمس وضواهــا
وأبد مايدناهـا ويوصلها كـل بشــر
,
حقـي يحلـوة مــا أريـدن أوصفنج
ولا أكَـول أنتـي سمـا وغيوم ومطـر
.
ولا أكَـول مسودن صـرت بجمالــج
ومنو الشافـج ما أدوهن بحسنج ونسطـر
.
خايف يتفرهـد ويضيع بيـج الوصـف
ويشرد بروحـه مـن قلمـه السطــر
.
لان حسنـج بحــر كلـش غيمــج
والفاجـه دومـه يا عمـري ما عبــر
.
أنتـي شنو أنتـي خدج لو فرط رمـان
شفة لـو وردة وألـون من كــل الزهر
.
طركاعـة ومصيبة عينج مـو جنها عيـن
بحـر والبحر لان تشبـه بيهــا أفتخـر
.
اللــه يساعد اللـي حبج لو رحلتــي
جان من فركَـة عيونه الجمالج طك وانتحر
.
واللــه يعيـن المتعلـم يبـوس خدودج
لو زعلتـي شلون عــاش وهاد وصبـر
.
وهذا كَلبـي اللـي حبج كلــه يرجف
ومـن فرط حسنج ذاب بيج كله وأنصهـر
.
وهـايَ عينـي اللـي شالتج بوسطهــا
يرضيج كـل ليلهـا تخلصـه دموع وسهر
.
الناس ترجـي ربهـا وتطلــب الجنــة
وآنه أدعـي ترجعين ياجنتي بأوكات السحر
.
صيـري نـار شو لا تصيريـن جنــة
هم أصـير لوقودهـا ناسهـا والحجــر
.
أحبج مـو حب سهـل وبسرعة ينكتـب
حبج أعجـاز وفلسفة وأكبر مـن كل سطر
.
أعذرينـي يالقصيــدة شريـد أكتــب
والقلم مـن شاف حسنها أستحـى وأعتذر
.
.
7/4/2012