اجاني بالحلم والحلم عايشتة
ومااكعد بعد حسبالي من شفتة
شفت كلشي حلو بعيوني حتى النوم
وخلصت الحلم وياه بالسكتة
جنت ادري يخون وجذبتهة الروح
وجذبت الحقيقة وجذبة صدكتة
فرحانة اصبر الروح انة بجفاه
وصبرت النفس والكلب صبرتة
ومرة عشرتة اني ادري ماتنراد
ومثل سنبلة والفلاح عاشرتة
يفرح من يشوف دموعي تنزل
وبخدي يشوف الجرح راسمتة
وظل حبة صفه مثل الكسر بالروح
وصبرت الكسر وبدموعي جبرتة
وكمت اني اعلة حيلي وماطحت للكاع
وانة باب الكلب بجفاه قافلتة
وهسة جايني ويكلي انة الغلطان
وتندم وبعدج عمري طلكتة
دخيلك لاتهيج جرح مات وطاب
روح ابتعد خل انساك كافي عمري ضيعتة
لغيتك من حياتي وبعد ماهم بيك
وجرح غدرك يضل بعيوني شايفتة