موضوع حلو احسنتي اتمنى من الكل يشارك
خوش فكرة عاشت ايدج وانا راح ابدء بشعر
وانشاء الله يعجبكم
تحياتي
king iys
<<<<<<<<<<<<<<<<<<<<<<<<<<<<<<
(مساجله في الدارمي )
عفت القدح يحباب من ودعتكم
وشربت دمع العين من اذكرتكم
شلي بعد بالكاس يوم الضعن راح
بالجفا بدمع العين فيضت الاقداح
بالذكرى يافلان كلبي الوفي ايهيد
لاجن ادموع الشوك اتكرب البعيد
كالو الصار ابعيد تسلاه الكلوب
بالوصل والهجران تبقه انته محبوب
شلت القدح لشفاي بس ماشربته
تصوير الك بالكاس ياترف شفته
احنا بخضار الشوك بعده الوكت شاب
قلبي على الثمانين للحب فتح باب
ياترف كلي شبيك تخزرنا وتروح
لتعاين اعلى الشيب عاين على الروح
اشما يطول الهجر ابقلبي موجود
يايمه للتسعين وانتضره ايعود
مابيها كل منكور مابيها كل عيب
ايزيد الوفا بالشوق لو بين الشيب
من مذكراتي
تحياتي
king iys