كالوا راح
كالوا راح
كلت جذب ماراح
هم يجي يوم
وإلي يرجع
وأحني جفوفي بشوفته
وأذب كل حزني
وللسواد أنزع
كالوا موهذا كبره
أنته شتكول؟
كلت لا كله غيرة
بس أنادي عليه
يشك الكبر بجفوفه
وإلي يفزع
وكعدت يم كبره
أحاجي الكبر بسكوت
أخافن شامت يتشمت
بس لشكوتي يسمع
محتاجك كلش
تجيني اليوم
كافي يومية بغيابك
سم أتجرع
أنته موكلت
طول العمر ماأنساك؟
ها جنك نسيت
ولشكوتي ماتسمع
محتاجك يروحي
مابقالي بغيبتك راي
ضاكت كل الدنيا
وعكبك بعد ماتوسع
ياكبر وخر دخيلك
بس أشوف
عيونه الحلوات
روحي ضاعت من زمان
بلكت بشوفة عيونه
إلي ترجع
شافوني وكالوا
جنك تخبلت يفلان
ولك ميت صارله سنين
كافي ولك بس أقنع
كلت صح ميت
صارله سنين
بس أدري بي حنين
من يحس بيه أبجي
يدفن الموت اني قليل تربيهه
وإلي يطلع
إلي يطلع....
16/4/2011