جات تمشي الهوينا و تتفدع
خلت قلبي زي الشافع البيدلع
غالبو السكات و اماتو
يسكت فيهو يشيل و يتصنع
هي تشيل خطوة
تختها في قلبي
و التانية في قلب الحسود و موجع
تكويه كي و تخلفو
و تسوي فوقو البدع
و انا من شوقي
عيوني يسكبن مطرا سيلو يتقلع
الجبال ما بيمسكن
جارف سيلي المنحدر و جدع
الشجر الكبار
و الصخور و خلط البحر و المشرع
و ات يا ام سماح
حبك خالف ساقو في قلبي
سواهو كوره و ملعب
مرات يمين
و مرات شمال
و ساعات كتيره مكهرب
ينوم يحلم
و كان صاحي ساهي
بي جدايلك معجب
كيف النسيم سواهن من غير
سبب شارع و مضرب
ما ضل الطريق
لكن لمن شاف عيونك قنب
قال يستريح
و هو اصلا لا فتران و لا متعب
بس حب شوف خدودك
من رضابك يهنا و يشرب