منتديات حزن العشاق - عرض مشاركة واحدة

انثى مخمليه · انثى مخمليه

اخذيني ,,,
لباجــــر ,,, اخذيني ,,
حبل الماضي ,,,
هواي يحزني ,,,

يالطيفج مثل العصفورة ,,,
وكت الصبحية ,,,
يفززني ,,,

واني وحزني ,,
وانتي وحسنــــج ..
مكتوبين بروحي الترفه ,,
تسكر بمكاسرهن روحي ,,!
ويختل الميزان بوزني ,,

طبعج يفتر ,,
بيه الدنيه ,,
وبأخر لحظة ,, يبارزني ,,,!!

ويم عيونج ,,,
ارجع لصلي ,,,
تراب وحلت فوكة الندوة ,,,
تراب مندي ,,!
من كد ما يتعصر ,,, نشوة ,,

وج يا حلوة ,,,,,,,,

شما رادوني الناس ,,, اتعزز ,,
واني شعندي ,,,؟
بس حسنج ,, صار يعززني ,,,

يالشعرج ,,,
ليلة محناية ,,,
تشربني ,, وشمس الله تبزني ,,,
بوساتج ,,
جن مهدي بزغري ,,
وضحكاتج ,,
كاروك يهزني ,,

اخذيني ,,
لباجر ,,,,, اخذيني ,,
جم باجر ضيعته بعمري ,,,
وشكد من حضنج ,,
عايزني ,,,,,,,,,,,

اهواج ,,,
بكد خلك النسمة ,,,
التعبر كل الدنيه وتوصل ,,,,
واتمنه ,, ابحرلج ,,, واعبرلج ,,,
وامهر ,,, كل نجمة لشباجج ,,,
بس تعب الماضي ,,, معجزني ,,,

يا ماي الشلال البارد ,,,
ويا نورس بالروج يعاند ,,,
فلي خيوط الشوك بروحي ,,,
بخيوط النار ... مطرزني ,,,

وظل شي .. واحد ,,,
اخذيني ,,,
شما بيج ,, اخذيني ,,
بس حرفين ,,
الضلن ,, بيه ,,
وخايف ,,,
لا هم وكتي ,,, يجزني ,,,,,,,

***********
********