مرحبا اخواني اشلونكم .... انشالله ابخير ...
اهداء لكل طلاب الجامعات الي حيتخرجون .......
تعال ابرينه ذمه اليوم اخر يوم
واجه وكت البجي مطلوبه دمعتنه
غصبا نفترك والفركه شي محتوم
سواهه الزمان وراد فركتنه
وشتت كل شملنه وطشر الصحبان
ومانرجع بعد وتعود لمتنه
خلص عمر الشباب وضاعت الاحلام
وهب ريح التخرج طفه شمعتنه
الكليه انتهت والورد صب دموع
من شاف الحزن بشفاف ضحكتنه
واشوف النادي عزل بقة بس اثار
وبقه فارغ مكان البيه كعدتنه
وشالوهه الجداول وسدو القاعات
وبدون اسماء ضلت بيض لوحتنه
يسئلني القلم شبسرعه صار وداع
وتسئلني الدفاتر وين رحلتنه
فدوه انطونه فرصه انريد نبقه اهنا
ما ردنه الشهاده نريد صحبتنه
بعد فتره الزمن مهما يدور الكون
امانه الله لاتنسون ذكرتنه
وداعا للحديقه للقسم للطلاب
وداعا للصور وافراد دورتنه
منقوووووووووول