غازلني بعيونك وترهدن يالمدلل
وخلي الشامت يطحن الراح بالراح
عذبني هالدلال البيك ما رحمتني
وضليت احلم بيك حلم الاشباح
رمش عينك يرمي سهام جتاله
صدك ينضرب بيك المثل يابو خد تفاح
يغار من عطرك الورد لو تمر بيه
ومن فوك الشفايف مبسمك لاح
اذا ترمي الخطوه تنتظر الثانيه الكاع
وتضل على فراكك العيون بنواح
غمضت العين كلت يمكن انساك
لو بس دقايق يا بعد الروح منك ارتاح
ولك يا مدلول بكل غمضة عين الكيك
شايل جمالك تصوبه عليه جنه سلاح
شلتك بين الضلوع عُمري كله
وصرت لي الحزن والهم والافراح
تتغاوى بدلالك وبغنج تزيد الدلال
والعطر من مفرك تغاويك فاح
ضليت اصبر الروح على فركاك
واكولن يرد مرده لي وين ما راح
جذب من كال نسيتك لو انساك
وشلون الكلب ينسى الي بيده المفتاح
ويردك الواهس لمردك يا فلان
وتواكح مواكح الي من الشوك مرتاح
تاليها تريد اطلع من غرامك محروم
والنتيجه صارت رسوب وماكو نجاح
------
بقلمي
21/9/2013