أضحك جذب والصدك كومة أهموم
بس أرمش تطلع الصدك دمعاتـي
مثل مسلول ولايذ بسـد الهـدوم
بس أنزعهن تهلهل بوجهـي شماتـي
يالجفك ملح جنهـا سهم مسمـوم
بابـي جرح لا تدكه تزيد لجماتـي
أكابر وأوكف جذب والبيه مضموم
بس أطلعه تحرك الكـون زفراتـي
من زغري رضعني الوكت الهمـوم
وشفت الجرح كبل مشيـة التاتـي
شحجي بعد والصدك بالدنيا معدوم
مثل جرحي أضمهن بصدري جلماتي
شلون أنامن ومتحضرلي ألف جيثوم
لا أكعد وسولف بليلي وي صفناتي
مستراح مني الفرح ما يتعنالـي بيوم
بس ينوي يجي تكعده بمكانـه وناتي
أبقـى غريب وبعيوني حلـم مهدوم
وخذلان الحظ بالدنيـا أنتصاراتـي
يكلي زماني أشكي الأذن مصمـوم
ما أسمعك قررت عليك مـا آتـي
تبقى ضايع ومن الضحك محـروم
بـس تفرح أزيـد بيك طعناتـي