[justify]
صباحك ورد ومساك فل رهوفتي
موضوعك بكل ما فيو بيستحيء التامل فيو
وبيسعدني جاوب بهل مساحه يلي عم تعطينا مجال نعبر عن اراءنا
انا بالبداية مو ضد الخدم بشكل نهائي
وفي حالات مضطره اتجيب خدم للبيوت
بس تكون مسؤلية الخدامه فقط بحدود شغل البيت
والاولاد بتكون الام تفرغتلون بالكامل
في خدم ممكن انون بيروحو للكمتب يعني ما بتنام مع اهل البيت بس لمدة اربع ساعات
وممكن ما تجي كل يوم
لان نحنا هلا بوئت السيدات منهون الطبيبة ومنهن يلي بتدرس بالجامعه ومنهون الممرضة الى اخر هيدي المهن
ف وين الغلط تستعين بوحده تكفي معها شغل البيت ؟ّ
وحتى لو كانت من جنسيات متل فلبينيه او اندونيسية او غيرو
المهم تحددلا مهام بالبيت وتكون مهمة الام الرئيسية تشوف اهل بيتا وكمان تكون تحضير الطعام لالون
وكون الخدامه نضفت البيت باشراف ست البيت وكوت الغسيل ووووو وين المشكله
خليني ئول ما نرفض الشي تماما ولا نئبلو بدون قيود
الرسول كان عندو خادم وخادمات متل ام سليم وام ايمن وحاضنات نتل الحاضنه بركه وكمان السيده فاطمه طلبت خادم وكان صحابي من الصحابه صاحب ضيعه كبيره وبيت كبير وضيوفه كتار فارسلو الرسول خادم ليعينون
يعني نحنا ضد شي واحد انو نوكل للخادمه مهمه مو مهمة الخدم المئصود ما تكون بديله عن الام
وللعلم الام الواعيه وما دام في عندا خدامه ازا لازم بتكون عم تركز كتير على اهداف حياتا الاسرية متل تربية وتنشئه الاولاد التفرغ لالون بالكامل ولزوجا وشؤونو
في خدامة او ما في باليت انا نشئت بصغري وكان عنا خدامه وما بعمرا كان لا دخل فينا كاولاد وليكني ما عندي اي اثر من كون ربيت في بيت فيو خدامه ولا زال بتجي وحده لعنا لحتا تئوم بمهام الشغل الموسمي لانو كتير
الحل لانشغال الام والاب بمهام الحياة
ممممممممممممم شوفي رهوف حبي
مو كل الاسر امون وابوهن مشغولين بالتوافه
فلازم الابن والبنت يئدر كون امو متلا طبيبة ابوه مدير مشفى متلا
او كون امو او ابوه بيشتغل بااعمال التجاريه وغيرا
ممكن الام صارت بهل عصر مو متل زمان يعني الستات بيشتغلو لان درسو والحياة بتطلب مسانده من الست لزوجا
وبهال حاله لازم الزوج يتعاون والاهل يتعاونو ولازم يرتبو برنامجون لحتا الاسره ما تتاثر
يعني ممكن الام تاخد اجازة امومه مدة حضانه الطفل لحتا ياخد حقو من التربيه وترجع بعدين لشغلا
تحاول تبحث عن الشغل يلي بيوفر حضانه للاطفال تابعه للشغل وتضل كل وئت تشوف طفلا
وممكن تختار اي حل من الحلول لكن انا يلي بئولو
الحياة بدون تخطيط بتكون فاشله ولازم يتم ترتيبا بحسب كل اسره وظرفا كلامنا بشكل عام ما بيعني
انو مناسب لكل اسره
اهم شي ان الام ما تكون عايشه بعالما الخاص متل طلعات ونزلات ونت وغيرو من الاشيا الي مو اهم من جلوسا مع اولادا وهيدا بيكون بحسب شعور الام والاب بالمسؤوليه او لا
الحمدلله انا نشئنا بجو اسري متفهم وبنا فياتنا قيم وكان مدرب لالنا على الحياة واكسبنا الثقافه اللازمه
مع انون اب وام بيشتغلووهيدا ما كان بيمنعون انو يكونو متواجدين
معنا وبخاصه انو شغلون بيخلص مع الساعه تقريب 2اونحنا كنا بنرجع البيت من المدرسه ب 3 يعني ما كنا نشعر
بعدم وجودون وكانو بعد شغلون ما بيطلعو الا بحسب ترتيب بيناتون يعني ان طلع واحد بقي التاني وهيك شي
ومن البدائل كان في مراكز اللغات متلا في ساعه الام عندا رياضه ومشتركه بنادي كانت ترتب وئت النادي مع وقت
اما تدريب نادي زاتو للاولاد عل كراتيه او سباحه او هيك شي
الام والام الواعيين المثقفين ما ممكن يضيعو اسرتون بالعكس هنن يلي بيبنو الاسره
وبحب ئول بالختام كتر خير الله انو اهلينا اعطونا وئتون وتعبوا معنا والون كل الاحترام وكون انو رفهو عن حالون
شوي او غفلو شوي او ملو بشي يوم ما بيعني انون قصرو بالعكس وربي يكتبلون كل الحسنات على هيدا العطاء