فتحت ليك قلبي وطن
زرعت ليك في كل خطوة
تمشيها باقات
و بين الخطوة و الخطوة
نغمة
و عزفت ليك موسيقى
تحكي شوق العيون
و حنان كبير
عرشت كل سماواتك
غيمة غيمة
سعادة و فرح
و احلى أمل
جمعت ليك
بشاير الاعياد
انتي الروح
انتي السكن
بريدك
و عشان بهواك
كلمت ليك النسيم
و حواري البحر
و رمال الشواطي
كل ما تشوف عينيك
ترقص ليك الورود
و ترسل ليك عقد ياقوت
و من الماس تاج
علي راسك معقود
و وصيت ليك خدام الحب
يتوجوك عروس
يا احلى سلطانة للنفوس