منتديات حزن العشاق - عرض مشاركة واحدة

07-20-2013 ~ 05:03 AM

السلام عليكم ورحمة الله وبركاته

مرحباً أعضاء حزن العشاق

رمضان كريم عليكم و على أمة الاسلام
شلونكم وية رمضان . ؟ طبعاً ما اكللكم اني لابس قبوطين من البرد اششششششششه :eh_s(14):

المهم عندي سؤال ع الطاير مثل ميكولون
انتي يا بنية لمن تحبين واحد و واثقه بي حيل
و بنفس الوقت تسمعين كلام مو زين عن الي تحبي من أكثر من شخص
و تسوين نفسج مغلسه و متدرين عنه لأن تحبي و أعذرج
بس من يجي واحد قريب عليج و خايف عليج و ينصحج أنو تبتعدين عنه
تجين انتي بكل مفهومية و ذكاء تنقلين الكلام لحبيبج نصاً ..!!

اقتباس:

حبيبي تعال شوف فلان شنو كال عنك حياتي

اريد افتهم يعني شنو تريدي يكولج
يعني تريدي يكولج اي كلامه صحيح و اني دا اضحك عليج و ماخذج وناسه ..؟!
عزيزتي البنية انتي شايفه حرامي يكول اني خمطت الجنطه مالتج .؟

طيب و لو افترضنا انو الشخص الي نصحج هو ديكذب عليج و يريد يخرب علاقتكم
بس اذا دتشوفين اكثر من شخص ديجي و ينصحج و تسمعين عن الي تحبيه كلام مو زين
مو معناها انو كل الاشخاص الي نصحوج كذابين . ؟
اكيد اكو خلل و غلط بالسالفة او بالموضوع لأن دتشوفين هواية يحجون عليه

اريد اعرف شنو ماكو عقل تفكرين بي .؟
معقولة البنية متعرف منو الي يريدها و منو الي يريد يأذيها .؟
عجييييييييييب O_o

أريد اسمع الطرفين و منو صاير عنده هيج سالفة . ؟
و شكراً

السندبآد , أنس .... :w: