صباحات السكر
وهلاء حابه اني ادخل بنقاشي معك
شوفي يا ستي
ايام انا كنت بالمدرسه..وكانت دراستي بالخليج
ما بعتقد بيوم كنا نسمع من مدرسه هالكلمه
بالعكس كان النظام شي اساسي..واحترام الموعد للمدرسه مقدس
وكمان احنا الطالبات كنا ما نرفع عيونا بمدرساتنا..
احترام وليس خوف
وكانو شي من الكويت مدرساتي
شي من العراق ..يزكرها بالخير الست ساهره وتؤبش ئلبي
بموت على موادها الادبيه وحكيا تها باللهجه العراقيه
كمان مدرساتي اللي من مصر ومدرسة الفرنساوي والاننجلش
وتمرين الصبح ما بدي احكيلك ما احلاه ..كان ينشطنا
وخلصت ايام الدراسه وهلاء من اجمل زكرياتي
نجي لليوم ومتل ما حكيتي
المدرسه ئدام بيتنا
ع شي 300 متر وصوت المدرسه
وهيه تصرخ بالاذاعه المدرسيه..وبتهين بالطالبات ..
يعني بدي ادفن راسي
جوات لمخده ..و ما عم تزبط معي:wounded1:
بيجو البنات قرايبيني لعنا ..
لك شو صاير بالمدرسه عبكرة الصبح؟؟؟؟ لشو لصريخ
شي مخيف عنجد الوضع كانه عاملين شي الطالبات:tears:
بتجي البنت منهون ابتحكي ما بدنا نقرء الفاتحه
ولا بدنا نلتزم بتحية العلم
وما بدنا الطابور من اصله
يا الله تيب ليش؟؟؟
اولا المدرسات بالفعل اخلاقهون مو متل اول
كل وحده ابتعطي للبنت موشح مسبات واهانات لا توصف
تيب بالمقابل شو بدك البنت ردة فعلها؟؟
مؤكد العناد وقلة احترام المدرسه مع التدريس من اصله
هالشي كتير بيقهر يا رقه
نجي للاسباب شو؟
بالنسبه لدولتي بشكل خاص رح بحكي...
اكيد التربيه للمدرسين من اهاليهون على انه
تجي تساليهون بيحكولك :احنا تربيتنا كانت هيكي
بالصريخ والاهانه
اللي انتي زكرتي البعض منها
وانا اسمحيلي ما بحب اني احكيها مره تانيه لان ما بحسن اطلعها من تمي
بس احنا هلاء اطورنا..شو بالضرب والاهانه؟
كمان الطلبه بيفكرو ان من يجاكرو مدرسينهون
هيكي الهون حرية التصرف وشخصيتهون لازم تبرز
مع العلم هالشي خارج عن نطاق الاخلاق
ولا تستبعدي اللي بنسمعه من جرايم
نجي للحل!شو الحل برأيك..؟
الحل جذري يا رقه ولا بد من دروس في اعادة تأهيل هالجيل
ومو بس المشكله بالجيل..
المشكله بالاهل والرفقه من الاصحاب اللي ب يقلدو كل شي غلط
كمان المدرس انا ابدا ما بستبعد تأهيله
كذلك لا بد من متخصصين في الطب النفسي
لكل مدرسه..المفروض متواجد هيكي شي
لحتى انشوف كل الجوانب
لان مو معقوله ايد وحده بتسفق:61:
لذلك على الطالب والمدرس والطبيب المختص
والاهل والمجتمع
اعادة التأهيل والعمل حتى نقضي ع هيكي ظاهره
انا بعرف اني طولت بالحكي
لكن هالشي كان ضروري نحكي فيو من عدة جوانب
واتمنى ما كنت ازعجت حد
رقه يا رقه
كتير انا سعيده بانه فيه متلك حد مهتم بهيكي قضايا
واتمنى ان الكل يشاركنا هالنقاش للافاده
كل الحب الك حياتي
:m94: