منتديات حزن العشاق - اغم كلش اغم ليصارح ابنيه

منتديات حزن العشاق (http://www.chat-hozn3.com/vb/index.php)

- منتدى الشعر الشعبي العراقي و العربي (http://www.chat-hozn3.com/vb/forumdisplay.php?f=12)

- - اغم كلش اغم ليصارح ابنيه (http://www.chat-hozn3.com/vb/showthread.php?t=19164)

اغم كلش اغم ليصارح ابنيه

تعودنة البواري خوش عاده اليوم
وأضنه الشغله صارت حيل عاديه
كاشخ اني جاي المهم طبيت
شفتهه اكبالي وبساحة الكليه
حجيت وياهه اني وكلت معجب بيج
احبج يا حياتي وصافيه النيه
اشو دلغم وجهه وعبست فد نوب
وكلت ابكلبي جنه انلاصت اعليه
روح ابعيد كالت ما أحب عشاك
اذا انت التحبني اني شعليه
مو بوري احسه ابراسي انجين
وضربتني اعلى راسي ضربه حربيه
واظن اثر عليه البوري كلش حيل
وشفت الناس تركص كلهه جوبيه
وبعد الضربه احس الدنيا عوجه وياي
واظن صابتني يمكن هويه شرجيه
فتت يم العميد وكتله مستر جون
وللدكتور كتله هلو سعديه
ورحت يم الكشك مدري شجاني اليوم
اعاين عالجبس حسبالي شاميه
(اكبر زوج والله الي يحب اليوم)
(واغم كلش اغم ليصارح ابنيه)

رد: اغم كلش اغم ليصارح ابنيه

[ALIGN=CENTER][TABLETEXT="width:70%;background-color:black;border:10px double teal;"][CELL="filter:;"][ALIGN=center]
عــاشت ألايــادي مــو ألك على ألـــبوري الحــلواا تســتاهل ... مشكــور أعلا ن على الشعر الحلواا تسلم .

تحياتي
[/ALIGN][/CELL][/TABLETEXT][/ALIGN]