|
ناس راقية طاكة ولد ناس محترمين . ؟
السلام عليكم اكو موضوع في بالي اريد احجي بي من قبل بس ما اعروف ليش ما طرحته هنا بس هسه اجه وقته و صار لازم اطرحه الكم و نتناقش بي الموضوع اليوم اني احتاريت شنو عنوانه بس هو عن الناس الراقية او الطاكين او الناس التوب كلوب و شلون متريدون تسموهم سموهم :smi(31): و من زمان كان في بالي اخلي هالموضوع ضمن دائرة الاستفهام .. اول شي خلي اكوللكم سبب طرحي اليوم للموضوع :q2: .... البارحة جنت طالع وية اهلي يم مجمع ازياء اصالة للموضه اكيد ما تعرفوها هع هو مجمع بي محلات للألبسة واشياء عائليه فاني وقتها كنت خارج المجمع انتظر الاهل دخلوا للمجمع و طبعاً اسوأ شي لما الشاب يكعد ينتظر اهله ديشترون و هو يوكف برا خخخ من الضوجه كعدت اشوف الناس كل واحد جايب عائلته و جهاله ومرته و جايبهم نازلين يشترون ملابس تعرفون دخلنه بالصيف خخ و ادير وجهي على غير جهة اشوف هذا الي يتعارك وذاك الي ابنه يبجي و يريد لعبه هع و هاي اللي تنصح باختها تكللها هذا البدي حلو و هاي اللي دتدور دبدوب احمر لصاحبها وذيج الي دتكمز بنص الشارع و كالبه خلقتها على امها لان الحذاء غالي و هاي اللي تكول البنطرون مو حلو و ذيج تكول ضيق علية و هاي اللي امها تقنع بيها تكوللها الجنطه البيضه و بيها خط وردي احلى و جان ادير وجهي و اشوف هاي الي مواعده صاحبها وتاخر بالتقاطع الثاني لان مكطوع الطريق وهمين مطنكره و خشمها وصل للوايرات مال الكهرباء و هذا اللي مسوي نفسه مغلس و فقير و يوزع ارقام للبنات هههههههه فشنو يعني اليوم جان عباره عن كوكتيل رهيب مال عوائل خخخ و بهالوقت واني واكف اباوع ع الناس و اكول الله شكد حلوه هاي العائله و اباوع على غير ناس اكول لا هاي العائله مخربطه و ممضبطين نفسهم وضليت اصنف على العوائل تصنيف من هذا اللي يحبه كلبكم هه و اني دا اصنف ع الناس بهالموقف تذكرت من جنت بالمدرسة جان اكو ولد اعرفه يمشي بس وياية وويه شخص ثاني مرة سألته كلتله ليش متمشي ويه باقي الكروب فكالي اني ما امشي وية اي واحد بس ويه ولد الناس المحترمين و العوائل وقتها ضحكت عليه وضليت انصب عليه و لعبت بيه طوبه كلتله و انت شمدريك اني ابن عوائل . ؟ كالي من لقبكم العائلي .. ! الصراحه اني تفاجئت على الولد و على هاي نظرته الضعيفة و الضيقه اللي خلته بحيث يشوف ابن العائلة مجرد بلقبها . ! و ما يهتم بشنو اخلاقه و ما يعرفه شنو ما شنو و كل هذا الكلام و اني بعدني واكف يم مجمع اصاله هههههههه و جان اتذكر سالفة الخ صار نقاش وقتها يم ناس و جانوا جايين عليهم ناس ديخطبون بنتهم و ام البنية كالت اهم شي الولد متمكن . ؟و من عائلة راقية و عدهم فلوس . ؟ و انوب جان اتذكر فد ولد اعرفه جان يتفيك انو هو ابن عائلة راقية و من اسأله عن اهله يكولي انو ابو مليونير و يعتبر هذا الشي بحد ذاته رقي .! و اني لو اجي اشوف عائلته هي اصلا عائله داخلياً مفككه و الاخ يكره اخو يعني واحد يكره الثاني و واحد من عدهم يحب بنية مو زينه و الثاني مدمن مدري شنو و اخته راقية كولش بحيث متشرف احد هع المهم اني كلتله بوجهة و ما عرفت اسكت و نزلت عليه دوسه و نص و بعد ما فتح حلكه مو بيدي لساني طويل ههههههههههههههههه طبعاً هاي كلها و اني واكف يم مجمع اصاله ههههههههههههه طولت عليكم بالموضوع و السوالف اللي اجتي ع بالي خخ المغزى من الموضوع اريد اعرف انتو كشباب و شابات شنو يعنيلكم الناس الراقية و شنو معنى الرقي بنظركم و شلون تقيسون الناس على انو همه اولاد عوائل و ناس محترمة و محافظه يعني شلون تصنفون الشخص المقابل انه انسان راقي يعني لمجرد عائلته من أعيان المنطقة او المدينه مثلاً لو لأن مليارديرية و اغنياء لو شلون . ؟ شلون نحكم ع المقابل انه هو من طبقة راقية .؟ و تحياتي لكل من من يمر للموضوع و يرد ع الموضوع لأن تعبت و اني اكتب و اصورلكم المشهد الانفلاقي هع السندبآد أنس ... :w: |
رد: ناس راقية طاكة ولد ناس محترمين . ؟
اشكرك انس ع الموضوع الروعه كعادتك مبدع بمواضيعك الهادفه وأكيد استمتعت وانت قاعد تشوف هالعوائل وتصنفهم ههههههه أنا عن نفسي الإحترام والرقي ماهي بمنصب العائله أو لقبهم قد تشوف عائله الها اسم ومنصب وتلاقي افراد او بعض منهم مايعرف شنو الاحترام وقد تلاقي من هالعائله واحد مواصفاته الاخلاقيه حلوه وأخوه عكسه تماماًمع انهم من عائله واحده وتلاقي ناس عاديه او حتى تلاقي ناس ماعدهم منصب بس تلاقيهم آيه في الاخلاق والادب لدرجة انهم خلولهم صيت كبير بين الناس باخلاقهم وكل هالشي نابع من شخص الانسان يعني الرقي والاحترام والاخلاق هيه تجي منغرسه بالشخص نفسه مو بلقبه وكمان مثل ماذكرت انت في ناس مايرضون يزوجون بناتهم او حتى اولادهم الا من ناس عدهم منصب وجاه وفلوس والرسول عليه افضل الصلاة والسلام يقول ( إذا أتاكم من ترضون دينه وخلقه فزوجوه ) ماقال اذا جاكم واحد عنده لقب وفلوس زوجوه ربنا خلقنا سواسيه محد زايد ع التاني الا بالتقوى وكلنا ابناء آدم وحواء وانا عكس الكلام اللي يقول ان الانسان ومكانته واحترامه وقدره بلقبه يعني يا أفضل بالنسبه لي اروح اصادق بنت لمجرد لقبها وصيت اسمها وهيه منعدمة الاخلاق جريئه لخارج الحدود فاسده وتجي تفسدني معاها وتخرب سمعتي وعلاقتي بربي وبالناس ؟ والا اصاحب بنت ناس عاديه اسمهم ع قدهم بس ممكن تجي عون معاي على دنيتي بنصحها بخوفها على سمعتي وممكن تكون سبب لهدايتي لكتير اشياء كنت اجهلها يعني رقي الانسان واحترامه بشخصه واسلوبه الحلو وبمعاملته الراقيه مع الناس اللي تخلي الناس ماتقدر تتكلم عنه الا بكل خير بتعامله مع اهله واخوته وبحسن اخلاقه واسفه ع الاطاله واشكرك مره تانيه وتستحق 5 ستارز لروعة موضوعك |
رد: ناس راقية طاكة ولد ناس محترمين . ؟
وعليكم السلام ورحمة الله وبركاته شكرا انس ع الدعوة وشكرا ع الموضوع الرائع قبل لا انطي رايي همزين صفنت بذكريات قديمة حتى مينفذ صبرك لان الاهل نسو نفسهم وتاخرو عليك. اني في رايي العائلة الراقية هي الي تخرج للمجتمع شباب او بنات بتربية صحيحة لان اهم شي في رايي الاخلاق لان شنو فائدة المال والجاه والمناصب بدون اخلاق واحنا حاليا دا انشوف شلون اكو عوائل الها اسمها بس للاسف ماتحمل تماسك عائلي وكل واحد منهم عايش بعيد عن الاخر ... واذكر من كنا بالمتوسطة كان بعض البنات ميمشون بس وي البنت الي حالتهة المادية جيدة ويتركون بنت الناس الي غنية باخلاقها وكما قال رسولنا الكريم (صلى الله عليه وسلم) أقربكم مني مكانةً يوم القيامة أحسنكم أخلاقاً بين الناس اذن لا فائدة للمال ولا لاسم العائلة ولا لاي شي بالدنيا بدون الاخلاق وشكرا |
رد: ناس راقية طاكة ولد ناس محترمين . ؟
تسلم الايادي ع الطرح المميز
لقد اعجبني ما انتقاه قلمك دمت بود و دااااااااااااااااااااااام ابداعك |
رد: ناس راقية طاكة ولد ناس محترمين . ؟
وعليكم السلام والرحمه يسلموو انس على طرحك لهكذا موضوع للنقاش طبعا للاسف هذا هو تفكير بعض الناس عندما يفضلون اغنياء المال عن اغنياء الاخلاق وماهو المال الا متاع الحياة وملذاتها وكل ماذكرته صحيح سواء من رفقه الاصدقاء او بتفكير العوائل حين يتقدم شاب لأبنتهم وهذا هو الجهل والفقر الحقيقي عند ضعفاء النفوس و من يحب الشجرة يحب أغصانها وليس للقب او شهره او مصلحه وعن نفسي افضل حياة الناس البسطاء اكثر من حياة الغنياء فيكفي بساطتهم وحسن تعاملهم وحنيتهم لبعض بدلا من كل شخصا حائرا بنفسه وملذاتها وماعرف شنو من تفكير عند الاهل من يطلبون من أولادهم يمشون مع فلان كونه ابن فلان بس الحمدلله اني شفت عكس هذا الشي عند اهلي ابسط شي بطريقي الى المدرسه يطلبون مني اهلي امشي ويا بنت كونها محترمه نفسها بالطريق وكونها بنت عائله محترمه هذه كانت دائماً نصيحه والدي والدتي لي فالألقاب ليست سوى وسام للحمقى والرجال العظام ليسوا بحاجة لغير اسمهم قال الرسول الأعظم صلى الله عليه وآله وسلم : ((أقربكم مني مكانةً يوم القيامة أحسنكم أخلاقاً بين الناس .)) فيكفي لنا ان نطبق كلام رسولنا الكريم ومنه نأخذ العبره في تعاملنا وسيرنا في هذه الحياة اتمنى ان اكون قد وفقت في مناقشتي معكم احترامي ... ريمآس |
رد: ناس راقية طاكة ولد ناس محترمين . ؟
هلا فيك من جديد الموضوع اليوم حلو للمناقشه انا الي وجهة نظر بس يا رب متكون معاديه لاصحاب العائلات هيه وجهة نظر فرديه اهلى من الناس البسطاء اللي خرجو لدول الخليج الراقيه هناك وانا صغيره كانو لسه ماديتهم مو كتيره بدايتها يعني كانت ماما الخبز اللي يبقى تعطيه الي وتحكيلي فيه عائله من دوله ما فقرا المال روحي وديلهون الخبز بحجة ادرسك بنتهون مادة الرياضيات كانو عيلتهون من 4 بنات وابوهن بتذكر شعره ابيض دائما ساكت على صوفه قاعد والابتسامه ما اتفارق وجهه بس من كتر ما هني راقيين بجمال مجلسهم اعتقد هاد الرقي بعينه شغله تانيه عيلتنا معروفه مثل ما حكيت ما تخلى الامور الوزير اللي من شرش العيله ..يوم مات ابوه اتقاتلو العائله ببعضها لانه زوجته اللي من عائله فول ستار ما يسمحلها برستيجها تجي على منطقه تانيه تاخذ العزاء لان من عائله راقيه وزوجها وزير..طيب مو زوجها ذات الابن اللي ابوه اتوفى شوف بالله التعارض بالشسمه كيف بكون:I: انكمل بعد زواج اخوتي الي انا شفته زوجة اخوي اللي من دولة اخرى ويتيمة الاب من اجمل الناس الراقيه..لان فيهم الاخلاق والدين والاحترام للاخرين وبعد ما اهلي على قولتك صارو من رؤوس الاموال اصبح الكثير من الاقارب لا يطيقو شخص اصبح معه اموال وخصوصا من اقرب الناس لوالدي حتى جلساتهم احسها مو من قلب مجرد تمثيل او نوع من التقرب لان هذا صار معه فلوس انت متل ما حكيت مرات الناس تتقرب من ناس لسبب ان فلان من عائلة فلانيه والها رنة باسمها..وشهرتها بالمال والى جانبه القليل من الاخلاق لكن المشكله صارت باوقاتنا متفيد فلان من العائله الفلانيه وعلتان فقير ما فيه لعيلة اسم على الخارطه ولا الشجره صارت اتهم السبب ان كثير من هالناس اتكشفت وجووهها واصبحت تحت .. على عكس بعض الناس قد تكون عائله معدمه طفت سفينتها فوق بحر العالم الفوق فوق اليوم المعايير كلها اختلفت والموازين بس لسه فيه مثل ما حكيت ان فلان اهله يحكوله امشي مع فلان لان هوة ابن فلان..لكن اصبحت قليله مو مثل قبل اعتقد اختلفت النظرة عن قبل وهذا لمسته من خلال تجربتي مع البعض ولو جيت الي انا ما تفرق معي لان بنفس العيله الطاكه على قولتك صار موجود فيها شاب سراق وبنت الله يسترنا واللي من العائله المال خربط حياتهم واللي هاجرو لدول اخرى اذن اصبحنا مو مهم فلان ابن فلان هالقيمه انتهت تقريبا الا اللي عند بعض من النفوس ال مازالت تبحث عن اسم غير موجود تقريبا العلم اذاب امور كانت تشغل الكثير وتعمل فوارق نجي لسؤالك شكلي بحكب بحكي ما انهيت المغزى من الموضوع اريد اعرف انتو كشباب و شابات شنو يعنيلكم الناس الراقية و شنو معنى الرقي بنظركم و شلون تقيسون الناس على انو همه اولاد عوائل و ناس محترمة و محافظه يعني شلون تصنفون الشخص المقابل انه انسان راقي يعني لمجرد عائلته من أعيان المنطقة او المدينه مثلاً لو لأن مليارديرية و اغنياء لو شلون . ؟ شلون نحكم ع المقابل انه هو من طبقة راقية .؟ الناس الراقيه هيه اللي اتحس بوجعك ومن تحتاجها تلقاها حدك باحساسها مو بس بشكلها وهندامها مقياسي لفلان ابن ناس من تجربتي معه مو بحكم انه ابن فلان ياما ناس تحت خيمة هالاسم عملت هوايل اصنف الناس من خلال اخلاقياتهم اللي بوقت حاجتي الهم القاهم مش اسمهم اللي عف الزمان عليه واصبح البعض من شجرة العيله لوثه وقد اكون التقيت فيه من سوء حظي احكم على هالشخص انه من طبقة راقيه من خلال مواقفه الثابته واللي بدورها تنطيني انطباع على انه يستحق الاحترام حتى لو كان غير غني المال هاد كل ما عندي وتسلم يا زووء على موضوع المناقشه:10: :m87: |
رد: ناس راقية طاكة ولد ناس محترمين . ؟
رجعنا بيب انا راح اختصر ^_^ انوس ماحبيت اتعبك وياي متل مابتعرفني بلخص الرد في سطور هههه خلي قلبك وسيع :m35: فعلا هالشي متواجد بكثره في هاي الزمن بصراحة صارت المادة والمنصب تعني الكثير ولكثير لناس في هاي الزمن اللي عايشينه ,لان انا انشوف عنا في الامارات, وبعطيك مثال من واقعنا اللي عايشينه احين اول شي من تروح دائرة حكومية عشان شغل مايعبروك ابدا لو حالتك المادية ضعيف او كنت انت انسان عادي مو من قبيلة معروفة ومالها صيت, وماانكر يصير كذا عنا من اللي اشوفه يجي اغلب الشباب لابوي للمكان اللي يشتغل فيه يقول انا محتاج شغل رحت وقدمت اوراقي ماقبلو لو تروح وترمس فلان وفلان تكفى ياعمي راح تسوي لي معروف وفعلا من يروح الوالد يقولوله امر ولا يهمك غالي يافلان والطلب رخيص ,يعني والمسكين الريال الولد ياما انطرد صاير شهر يترجاهم ويركض ولامعبيرنه وكل يوم ينطرد ليش كذا العنصريه والله انا اضوج من كذا تعامل و من و هاي الفروق او النقاط السوداء اللي يحطوه وممنوع تجاوزها ليشش اللي نتكلم عنه مو هو انسان حاله حالنا مسلم ذو اخلاق عاليه يمكن احسن من هاي الناس اللي يعتقدون انهم راقين واللي متربين على الدلال وعيشة الترف والبذخ والمنصب هم عايششين في انغماس الملذات عندهم بيزات وجاه وشهره واسم وين يروحو غير سكار وبطار قليل منهم تلاقيه يذكر ربه وشايف نفسه على الناس والمصيبه اللي يتقرب منه عشان شهرته لو يدري بس ان أحسن المسلمين الناس أسلاما أحسنهم خلقاً، وأكملهم إيمانا، أحسنهم خلقاً ماراح يسوي كذا لاكن الناس للاسف وين صارت الناس ماهمها من كان ذو اخلاق ودين لاكن يحليلهم راح يحطو اخر شي يفكرون فيه شوف حتى من يجي خاطب يتقدم لبنتهم ^_^ اول شي لازم يعرفون منه هوايه شغلات ويش قبيلتك يافلان ويش مركزك ويش منصبك طبقتك شو متوسطة ضعيفة يعني انت غني شو تشتغل ابوك امك يدك خالك عمك شو نسبه أي قبيلة تنتمي لها والى اخره واخر شي الدين ينسونه لو تذكروا اخر سؤال يحطوه و ليشش ينظرون له بأحتقار موهو شاب مشاء الله صاحب دين وخلق هو عيبه ينقصة البيزات وعلى قولتهم اهله مو من مركز او منصب معروف ليشش يقللون من شأنهم مكانتهم قال صلى الله عليه وسلم إذا أتاكم من ترضون دينه وخلقه فزوجوه، إلا تفعلوا تكن فتنة في الأرض وفساد كبير ماقال لوكان من عيله كبيره ومنصب وجاه ليشش هاي التفكير والتقليل من شأن الناس وايضآ من الحكمة أن لا نتعالى على الأخرين أو نراهم يهال لأن المتكبر يرى نفسه في قمة جبل فيرى الناس في الأسفل صغارآ شوفو هاي الايه: قال الله تعالى "يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ والله انا هذا المقياس عنـدي اللي امشي عليه في حياتي ولا عندي غيره لا نسب ولا جاه و لا طبقة عليا ولا فقير ولا غيره ارفع من التقوى .وارجع واقول الانسان الراقي هو من وجهـة نظـري هو من ارتقى تفكيـره واقتـرب من القيـم الإنسانيـة وابتعـد عن التفكيـر اللاإنساني أو المادي الراقي هو إللي أخلاقه زينة وشخصيته حلوة، وتعامله ملكي مع الناس يصفح عن الإساءة وما يلتفت لصغائر هو المتحضر اسلامياً من اخلاق وحفظ كتاب الله تعالى ومحافظ على الصلوات الخمس في جماعة وكمان ارجع واقول ان الوضع المادي من وجهة نظري ليس مهما رغم أنه يتداخل مع بعض العناصر التي ذكرناه الشخص الراقي مو راقي بمظهره انما بجوهره فمتى ما اعتز بدينه واسلامه فهو في قمة الرقى والاسلام دين حظارات وقيم ومبادئ ولو كان الأمه الإسلاميه تلتزم بجميع هذه القيم والمبادي لكان وضع الأمه مختلفا تمام وصرنا الافضل لاعنصريات ولاطبقات ولا غيرها . بصراحه اخويه طرحك للمواضيع الهادفة جميل جدا بأسلوب مختلف ومييز بجد اهنيك على اسلوبك وطرحك المواضيع الهادفة والي تحمل مورسالة اكتر من رسالة اجتماعية هادفه وسآمحني والله ع الآطاله تحمست بالموضوع وخرت الدنيآ عني ونسيت حالي :m51:..لكـ مني اجمل المنآيآ وارق التح’ـآيآ ولا تحرمنآ هالنقآشآت الحلووة انوووس ياع’ـٍـسل .. تقديري واحترامي:tymm: |
رد: ناس راقية طاكة ولد ناس محترمين . ؟
شكراااا لروووعه ما طرحت لي عودة انشالله
|
رد: ناس راقية طاكة ولد ناس محترمين . ؟
وعليكم السلام شكرا ع الدعوة موضوع رائع ويستحق النقاش طبعا اني برأي انو الانسان الراقي يكون راقي بأخلاقة وطريقة تعاملة مع الاخرين وثقافتة طبعا وشخصيتة مو راقي بأسم عائلتة ولابحالتة المادية وللاسف اكو بعض الاهل ينصحون اطفالهم انو يبتعدون عن بعض الاصدقاء بسبب انو اتكون حالتهم المادية ضعيفة ولازم يلتقون بس مع الناس الي من مستواهم مو كل شخص يكون طاك مثل متكول يمتلك اخلاق عالية يمكن يكون حالتة جيدة وعندة كثير من الاملاك بس مايملك اخلاق ويمكن يكون انسان بسيط بس اخلاقة جدا عالية ويمكن العكس مثلا اني اعرف ناس الله مفضل عليهم وحالتهم المادية والعلمية جيدة جدا بس مع الاسف طريقة تعاملهم مع اقرب الناس الهم تدل على انهم مايمتلكون ذرة من الثقافة ودائما ينظرون لنفسهم على انهم احسن الناس ويمنعون اولادهم من الالتقاء بأقرب الناس الهم مع الاسف على هيج تفكير ضيق اتمنى من الناس الي اتفكر بهذي الطريقة انو اتحاول اتغير من تفكيرها لان اهم شي الاخلاق احترامي وتقديري |
رد: ناس راقية طاكة ولد ناس محترمين . ؟
طرح مميز سندباد يسلمو ع الدعوة اكيد الناس الراقية مو بفلوسها ولا بمكانتها بالمجتمع الناس الراقية باخلاقها وتصرفاتها بس للاسف بمجتمعنا الحالي الفلوس صارت اهم شي طبعا مثل مقلت البنت لم يتقدملها شخص اول ميسالون ع حالته المادة ميفكرون باخلاقة واصله ودينه يعني نشوف هسه كثير ناس حالتهم المادية قوية والهم منصب جيد في الدولة لكن تلاقيهم متفرقين كل تفكيرهم بالمادة وبس لكن براي الشخصي العوائل الراقية هيه العوائل البسيطة مع خالص احترامي ريام,, |
| الساعة الآن 03:59 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يتسخدم منتجات Weblanca.com
new notificatio by 9adq_ala7sas
منتديات حزن العشاق