منتديات حزن العشاق - من تمطر الدنيا

بسم الله الرحمن الرحيم

شلونكم كلكم
طبعا كلكم تعرفون شنو هو المطر
والتعريف العلمي للمطر : وهو ماء متساقط من السماء
والتعريف التحشسيشي للمطر : وهو مي ماندري وين جان ( يعني دايح ويا صاحبته الغيمه)

وشئ اكيد المطر يمثل حاله لكل واحد بالعائله العراقيه واليكم الشرح بالتفصيل

اولا الجد :

طبعا الجد ( او الجدو) اول مايشوفها تمطر الدنيا ايكَول الحمد لله على هاي النعمه واهم شئ انته راضي عني واريدك تستر عليه وعلى عائلتي وعلى احفادي ( يعني بس تمطر اكَد اليتيمه لرب العالمين) وطبعا هو ماعنده شغله وعمله بس يدعي لانه هو اكيد اتلاكَي متقاعد لو عسكري قديم

ثانيا الاب:

اول ماتمطر الدنيا لك شلون حظ اكَشر هستوني غاسل السياره وهسه كلها تدمر طين ويضل 24 ساعه يم الجامه ينتضر المطره تخلص واكو نوع اضل يلطم باجر الدنيا اطيان والكوسترات اتصير النفر ب500 ونوع من هذاله المقاولين لك راح ينهجم بيتي 50 طن اسمنت راحت (..... بشط !)

ثالثا الام:

اول ماتشوف الدينا تمطر يااااااا عزه العزاني الهدوم مغسوله وناشرتها بالسطح وهسه كلها ادمرت شلون مصيبه هاي لو اتصيح ابنها ( لك حمووووووودي عزه بعينك حمودي ) لك طبب الملابس صارت طين على حاله

رابعا البنيه 17-23 سنه:

تروح تركض جوة المطر وتفتح ايديهة وتدعي من الله يحقق امنتيهة لان مثل ميكلون الدعاء تحت المطر مستجاب وهاي المكرودة ظاله بساعتين مشتولة جوة المطر ومثلجة بالبرد كله علمود تدعي الله ينطيهة الي تريده وهم لو تحصله لو متحصله بذاك الوكت تاخذلهة نشلة من هاي المحترمة تذبهة اسبوعين بالفراش هههههههههههههههههههههههههههه

خامسا :الولد من 20 _25 سنة

اهووووووووووو هاي ثاني مره احط جل ويخرب شعري يعني على حظي اليوم لمن عندي موعد مطرت
وحذائي ابو البوز راح يدمر وبنطروني الكاكي ( ياعيني على الكاكي) اتوسخ وحرامات مغيمه الدنيا ردت البس مناظري الرئاسيه واحط سماعه البلوتوث بس حرامات راحت تخرب من المطر