أحتري شوفك وتخلف بالوعد
وتدعي الأشواق والحال الكسير

إنتظاري طال و فـ عيني السعد
مات بين الدمع .. فـ الوقت الأخير

بين رمش وجفن أمطار .. و رعد
هزّ نبض الشوق في قلبي الأسير

يا تجيني اليوم ولاّ نبتعد
لا تكذّب حال واقعنا المرير

لو أعد خطاك ما بحصي العدد
أسألك بالله : ما عندك ضمير ؟!

يا كثر ما قلت لك فرصه بعد
لين مل الجرح من قولة بخير

استيائي منك للقمة صعد
واحتياجي فاق حاجات الضرير

يا لجل هالحب تبقى مستعد
أو تخيّر درب ما يشقي المسير