كشفت عن وجهها
 

كشفت عن وجهها
و كنت اظنه لا يكشف
فتشهدت
و تحوقلت
و هللت
و كبرت
ثم صليت على المختار
و طردت همس النفس
و كففت ما بقي من عيني
و سرحت في الاوهام
@@@@@@

جردتك عروس
في ليلة الافراح
و اتحلقت حولك بنات
و كم زغرودة من السمحات
و الناس تبشر
و انا المبسوط
اعرض و اهز
و قالوا بالأهل العز
و الشبال يجيك منساب
زي موية النيل
و ريحة البخور
شاقه الليل عديل و زين
و صوت طمبور
مع الجراري
و شيتن حسيس
و جرداق
و الكرير
طالع من حنجرة أخو السمحات
رزين بلحيل

@@@@@

و مرت كم لحظات
سعيدة كتير
تقول سنوات
حلمت بالاولاد
و كم بنوت حلوات
لمن خلاص دخلن الجامعات
صحاني صحابي
يا زول ها وصلن خلاص
و انا قت
وصلنا الجامعة
اتاري
لا جامعة
و سامعة
إلا بس
عين من الفرح
جات دامعة

زهور كلماتك جميله تملا النفس عبيرا
طيبة معانيك كطيب اخلاقك اخي جاروط

رقيقة الجميلة

يسعدني حضورك الراقي

و شرفني

لك ودي و تقديري

حفظك الله