سلامتك
 

سلامـتـك يــانـاعـس الـطــرف لابـــآس
عـسـاك تسـلـم مـــن عـنــاء كـــل عـلــه

وعسانـي أتمتـع بشوفـك عـلـى ســاس
إنــك مــعــافــى فـي جـــمـــال وحـــلــه

وعساك ما تصبح مـع الغيـر محتـاس
وعـســـاك ما تـلــقــى إهــانـــه وذلــه

وعـسـى عــدوك داخــل الـنار مـقـباس
تـآكـل مـناص الـجـســم دقــــه وجــلـه

صحيـح هـذا الوقـت فـي مجملـه قـاس
وأكـثـر قـريـب من الـقـرايــب تـمــلــه

لـكـن حــذرك يالغـضـي يسـكـنـك يـآس
تـرى الأمل فـــي الله شـــــرع ومــلـــه

ما دام أنـا حـولـك تـدلـل عـلـى الـنـاس
وأطـلـب تـرى مطـلـبـك مضمون كـلــه

والله لـو مـطـلـبــك يـنــقــصّ لـه رآس
لا أنـفـذه ما قــلـــت يــا زيـــــن خَــلـــه

وأدوس دربٍ بــأول الـدهـر ما أنـداس
وأحـل دارٍ مـا بـــعـــد حــــآن حـــلـــه

وأشرب شراب الموت كاسٍ وراء كآس
وأحـل عــقـدة حــبـــل صـعــبٍ تـحـلــه

هـذا كـلامٍ صــدق مـاهــوب هـوجــاس
وإن كـان ما صـدقـت جــبــت الأدلــــه

دلـيــل واحــد يــفــهــمــه كـــل درّاس
بـالـمـخـتـصـر هـرجي يـكـفــيــك قـلــه

والآدمي لاصـار ما عـنــده إحـســاس
أكــيـــد فـي عـقــلــه ضـمـور وخِـلــه

والـلـي مع خـلـه مــراوغ وهـــلاس
باكـر يـصـيـر وحــيـــد مالـه أخـلـــه

وتبـهـذلـه الأمراض ويصـيـبـه إفـلاس
وأكـيـد يـخـشـى الـمـوت ويـخاف ظـلـه

أحييك على الموضوع الهادف جميل..
درر وجواهر نثرتها بمنتدانا.. ف هنيئا لنا بك
شكرا لك بحجم الكون شكر جزيل .. مع التحية وكامل التقدير

لي الشرف ان اكون من رد على موضوعك .....
ابداااااااااااااااااااااا ااع واكثر اكثر من ابدااااااااااااااااع....

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا