منتديات حزن العشاق - بجسد واحد مجموعين

وصفتك حبيبي من الوصف اوصاف

وصفتك كمر حاظن ضوه بدره

يالوحة عمر وطرزت بالماس

واخدودك لمع مثل لمعة الشذره

وصفتك بحيره وي طيور اشكال

وصفتك وصف تحتار بيه الناس

تخيل بالكلب صارت الك ثمره

اظلمتك

اظلمتك بالوصف لا ما كفاني هاذ

يا اجمل شخص بالطيب والعشره

يالحبك سكن بين الرمش والعين

حبيبي انت بغلاتك لا تظن موجود

اتراهن رهن وابصملك بعشره

يالصوتك اعذيبي بلحن وانغام

واعرف نبرتك بس اسمع النبره

وخليتك حبيبي ابره واني الخيط

وبدون الخيط كلي شتنفع الابره

تمنيت العمر اكظيه بس وياك

واعيش بحظرتك على الحلوه والمره

احبك

احبك وبغلاك محير الكون

مثل حب الفراشه العانقت زهره

مثل خيال عاشك لمة الخيل

لك ياخيال يكدر يترك المهره

يعني بجسد مجموعين انه وياك

مثل جمعت نده وتكونت قطره

مثل ليل هادء والكمر موجود

واذا غاب الكمر ما تنحلي السهره.