ويــــــــن أشـــــــــوفك
 

ويــــــــن أشـــــــــوفك


وين أشوفك ؟!
ياهو اليدليني بيك ؟؟
روحي ليليه يمر بيها غرامك ..
ودمعة صارت تشتهيك ..
ضعت وين ؟!
بيا محطة ؟ .. بيا مدينة ؟
بيا مكان ..؟
ويا صدر دافي بسرارك يحتويك ؟!
المشكلة شلون انسى حبك ..
وآني حتى عيوني تسألني عليك ..
المكان البي گعدنه ..
گام يسألني عليك ..
والطريق البي مشينه ..
هو هم يسأل عليك ..
والورود الزاهيه تغير عطرهه ..
لأن يمكن فارگت لمسة اديك ..

وين أشوفك ؟!
وكل شبر من عمري الك بي الف ذكرى ..
وانت عمري ..
وهم شفت فد يوم واحد ينسى عمره ؟!
آني احس كل الأماكن تحمل بداخلها حسره ..
المشكلة وتسألني عنك ..
وياهو اليلاگيني هم يسألني عنك ..
وآني شايل ذكرياتي بگلبي جمره ..
او وصلوا بيدي إلك مية سلام ..
الهوى .. الهوى يسلم عليك ..
والشجر يبعث تحيه وگام يسألني عليك ..
حتى ألبوم الصور .. لمن يذكرك ..
يبچي ..
يبچي ويذكرني بيك ..
وين أشوفك ؟!
دورت أحلامي حسبالي
وسألت عيني ..
گلت ..
بلكي بقى شي من طيوفك ..
وما لگيتك ..

أنت وين ؟!
گمت أدور بين أوراقي القديمة ..
الغافية ابفي السنين ..
وگمت أرد لأيامي واسألهه عليك ..
هيه هم تسألني وين ؟!
وينك أنته ؟!
آني من اشتم عطر .. حسبالي جيت ...
وأركض بلهفة .. وبعد ميلمني بيت ..
وثاري مثل الحلم يخلص لو صحيت ..
وانت ماكو ..
وكلشي يسألني عليك ..
الليل من أسهر ..
اشوفه يلمح ويسأل عليك ..
كلشي يمي ..
حزني ..
تعبي ..
قلقي ..
وكل ذرة مني هايمة وتسأل عليك ..
آني لو أندل مكانك ..
يمكن عيوني تجيك ..
كون أعرف ..
هم بعد گلبك يحبني ..
لو نسه ؟!
وكون أعرف ..
بعد بگليبك محنه ..
لو ظروف الغربة خلنه قسه ؟!



للشاعر
محمد رحيمة الطائي

http://www3.0zz0.com/2012/10/22/00/623757736.gif

رد: ويــــــــن أشـــــــــوفك
 

رد: ويــــــــن أشـــــــــوفك
 

نورتي وعطرتي حبي ملاك

رد: ويــــــــن أشـــــــــوفك
 

مسـآئكم نرجسي ياأحلى نـآآآس

في دروبنا نصادف الكثير من آلآقلآم

ولكن أقلآم آعضاء حزن االعشاق

وهج في عالم الرقي والتميز

عسى الله أن يمدد عليكم هذا الوهج والنجاح

باقات من ورود الإحترام لاقلامكم

التي تبذل جهدها في منتدانا الغالي

لآ تحرمونآ من مواضيعكم القيمة

جناإئن الورد لقلوبكم

ودي قبل ردي